میڈرڈ/بارسلونا نے ہسپانوی فٹ بال لیگ لالیگا کے ایک میچ میں عمدہ کارکردگی کا مظاہرہ کرتے ہوئے میلورکا کی ٹیم کو 0-1 گول سے ہرا دیا۔ بارسلونا کے ڈینی اولمو نے میچ میں واحد گول کر کے اپنی ٹیم کی فتح میں اہم کردار ادا کیا۔ یہ بارسلونا کی لیگ میں 24 ویں فتح ہے۔ اس کامیابی کے بعد بارسلونا کی ٹیم کی ہسپانوی فٹ بال لیگ لالیگاکے پوائنٹس ٹیبل پر ٹاپ پوزیشن مزید مستحکم ہوگئی ہے۔سپینش لیگ لالیگا کے دلچسپ مقابلوں کا سلسلہ سپین میں جاری ہے، جس میں شائقین فٹ بال کو کانٹے دار مقابلے دیکھنے کو مل رہے ہیں۔ سٹیڈیم اولمپک لوئس کمپنیز، بارسلونا، سپین میں کھیلے گئے میچ میں بارسلونا کی ٹیم نے شاندار کھیل پیش کرتے ہوئے میلورکا کی ٹیم کو 0-1گول سے ہرا دیا۔ بارسلونا کی جانب سے ڈینی اولمو نے میچ کا واحد گول کر کے اپنی ٹیم کی فتح میں کلیدی کردار ادا کیا۔میچ میں میلورکا کی ٹیم کوئی گول سکور نہ کر سکی۔ بارسلونا کی لیگ میں یہ 24ویں فتح ہے اور وہ لیگ میں 76پوائنٹس کے بعد ٹیبل پر سر فہرست پوزیشن پر موجود ہے۔ریال میڈرڈ ٹیم کے 69 پوائنٹس ہیں اور ٹیبل پر دوسرے جبکہ ایٹلیٹیکو میڈرڈ کے 63 پوائنٹس ہیں اور وہ ٹیبل پر تیسرے نمبر پر موجود ہے۔
سپینش لالیگا بارسلونا نے میلورکا کو 0-1گول سے ہرا دیا
