عظمیٰ نیوز سروس
سرینگر//حکومت ہند نے ایک تاریخی فیصلہ میں ’’ہمالیائی ریجن کراپ مینجمنٹ میں الیکٹرانکس اور آئی سی ٹی کی درخواست‘‘ پر 42 کروڑ روپے کے ایگری ایکسی لینس پروگرام کو منظوری دی ہے۔ چار سالوں کے دوران 42 کروڑ روپے کی مالیت کے اس باوقار منصوبے کی سربراہی شیر کشمیر یونیورسٹی آف ایگریکلچرل سائنسز اینڈ ٹیکنالوجی، کشمیر (SKUAST-K) کرے گی، جس میں بھارت کے کئی سرکردہ تحقیقی ادارے شراکت دار ہیں۔یہ پروجیکٹ MeitY کے لیے پہلے کی نمائندگی کرتا ہے ِ جو براہ راست ایک زرعی یونیورسٹی کے ساتھ کام کر رہا ہیِ جو کہ حکومت کی جدید ٹیکنالوجیز جیسے کہ مصنوعی ذہانت (AI)، انٹرنیٹ آف تھنگز (IoT)، روبوٹکس، اور درست کھیتی کو ہندوستان کے زرعی شعبے میں ضم کرنے کے عزم کی نشاندہی کرتا ہے۔ایگری ایکسی لینس پروگرام ہندوستان کی چند اعلیٰ تحقیقی تنظیموں کے کنسورشیم کے ذریعے انجام دیا جائے گا۔ نوڈل ادارے کے طور پرسکاسٹ کشمیر کے ساتھ ساتھ، کولکتہ اور موہالی میں سنٹر فار ڈیولپمنٹ آف ایڈوانسڈ کمپیوٹنگ (C-DAC)، درگاپور اور لدھیانہ میں سینٹرل مکینیکل انجینئرنگ ریسرچ انسٹی ٹیوٹ (CMERI) اور بنگلورو میں سینٹرل مینوفیکچرنگ ٹیکنالوجی انسٹی ٹیوٹ (CMTI) اس عظیم پہل میں اہم شراکت دار ہیں۔یہ پروجیکٹ زعفران، اخروٹ اور سیب پر توجہ مرکوز کرے گا جو جموں و کشمیر کی حیاتیاتی معیشت میں اہم شراکت دار ہیں۔زرعی یونیورسٹی کے وائس چانسلر پروفیسر نذیر احمد گنائی نے کہا کہ یہ اہم منصوبہ ہمالیہ کے خطے میں جدید الیکٹرانکس، مصنوعی ذہانت، اور درست زراعت کی ٹیکنالوجیز کے انضمام کے ذریعے زراعت میں انقلاب برپا کرنے جا رہا ہے۔ انہوں نے مزید کہا کہ یہ پروجیکٹ طلباء کو 5 پارٹنر اداروں میں جدید ترین سہولیات اور مہارت تک رسائی کے ساتھ اپنے پراجیکٹس کو اختراع کرنے اور استعمال کرنے کے لیے ایک متحرک پلیٹ فارم بھی فراہم کرے گا۔ توقع ہے کہ اس پروجیکٹ کے نتائج سے جموں و کشمیر کے باغبانی کے شعبے کو تقویت ملے گی اور اس سے پیداوار، معیار، مارکیٹ میں مسابقت اور زعفران، سیب اور اخروٹ کی برآمدات میں اضافہ ہوگا۔
