عظمی نیوزسروس
نئی دہلی/ /حال ہی میں ایک خبر کافی زیر بحث ہے۔ خبر ہے کہ اپریل 2025 سے ہندوستان بھر میں بینک صرف 5 دن کے لیے کھلیں گے۔ میڈیا رپورٹ میں کہا گیا ہے کہ آر بی آئی اس کے لیے ایک نیا ضابطہ لے کر آیا ہے۔ اس رپورٹ نے سب کی توجہ مبذول کر لی ہے۔ جس کے بعد یہ بحث شروع ہو گئی ہے کہ کیا اگلے مہینے سے چاروں ہفتہ اور اتوار کو بینک بند رہیں گے۔تاہم، پی آئی بی نے اس دعوے کی حقیقت کی جانچ کی ہے اور اسے جعلی خبر قرار دیا ہے۔ فیکٹ چیک کے مطابق ایک میڈیا ہاؤس کی رپورٹ میں دعویٰ کیا گیا ہے کہ اپریل سے، آر بی آئی کے جاری کردہ ایک نئے ضابطے کے بعد پورے ملک کے بینک ہفتے میں 5 دن کام کریں گے۔ یہ دعویٰ فرضی ہے۔ ریزرو بینک آف انڈیا سے متعلق سرکاری معلومات کے لیے، اس کی ویب سائٹ پر جائیں۔میڈیا رپورٹس میں دعویٰ کیا گیا ہے کہ آر بی آئی کی طرف سے لیے گئے ایک ریگولیٹری فیصلے کے نتیجے میں بینکنگ ہفتے میں صرف پانچ دن تک محدود رہے گی۔ جس کا مطلب ہے کہ بینک اب ہفتہ کو کام نہیں کریں گے۔ رپورٹ میں بتایا گیا ہے کہ اپریل 2025 سے بینک سرکاری دفاتر کی طرح ہی شیڈول پر عمل کریں گے، جہاں ہفتہ اور اتوار چھٹیاں ہوتی ہیں۔ریزرو بینک آف انڈیا نے ابھی تک باضابطہ طور پر اعلان نہیں کیا ہے کہ بینک پانچ دن کے کام کے ہفتے میں تبدیل ہوں گے۔ مہینے کے پہلے، تیسرے اور پانچویں ہفتہ کو کام کرنا اب بھی موجودہ بینکنگ ورکنگ پیٹرن کا حصہ ہے۔تاہم، ا?ر بی ا?ئی اور انڈین بینکنگ ایسوسی ایشن کے درمیان بینکوں کے لیے 5 دن کے کام کے ہفتے پر کچھ عرصے سے بات چیت چل رہی ہے۔ بینکنگ یونینیں کام کرنے والے ہفتے کو مختصر کرنے کے لیے بحث کر رہی ہیں کیونکہ یہ ملازمین کی پیشہ ورانہ اور ذاتی زندگیوں میں بہتر توازن پیدا کرے گا اور عالمی بینکنگ کے اصولوں کے مطابق ہوگا۔قومی اور علاقائی تعطیلات کے علاوہ، بینک کی شاخیں ہر مہینے کے دوسرے اور چوتھے ہفتہ کو بند رہتی ہیں۔
