دبئی /انٹرنیشنل کرکٹ کونسل (آئی سی سی)نے ون ڈے پلیئرز کی نئی رینکنگ جاری کر دی۔ون ڈے بیٹرز کی رینکنگ میں بھارت کے شبمن گل کا پہلا نمبر برقرار ہے جبکہ پاکستان کے بابر اعظم دوسرے نمبر پر موجود ہیں۔جنوبی افریقہ کے اینرخ کلاسن ایک درجے ترقی کے بعد تیسرے نمبر پر آگئے۔بھارت کے ویرات کوہلی پانچویں سے چوتھے نمبر پر آگئے جبکہ بھارتی کپتان روہت شرما 2درجے تنزلی کے بعد پانچویں نمبر پر چلے گئے۔افغانستان کے ابراہیم زدران 13درجے ترقی کے بعد 10ویں نمبر پر آگئے اور آسٹریلیا کے اسٹیو اسمتھ 2درجے ترقی کے بعد 16ویں نمبر پر آگئے۔دوسری جانب ون ڈے بولرز میں سری لنکا کے مہیش تھیکشانا کا پہلا نمبر ہے جبکہ جنوبی افریقہ کے کیشو مہاراج 2درجے ترقی کے بعد دوسرے نمبر پر آگئے۔نیوزی لینڈ کے میٹ ہنری 3درجے ترقی کے بعد تیسرے نمبر پر آ گئے ۔بھارت کے محمد شامی 3درجے ترقی کے بعد 11ویں نمبر پر آگئے اور جنوبی افریقہ کے مارکو ینسن 9درجے ترقی کے بعد 18ویں نمبر جبکہ انگلینڈ کے جوفرا آرچر 13درجے ترقی کے بعد 21ویں نمبر پر موجود ہیں۔
ون ڈے رینکنگ میں روہت شرما کی 2درجے تنزلی
