یو این آئی
نئی دہلی//وزیر اعظم نریندر مودی آج ایک روزہ دورے پر اتراکھنڈ جائیں گے۔صبح وزیر اعظم مکھوا میں گنگا کے مقام پر پوجا اور درشن کریں گے۔ اس کے بعد وہ ایک ٹریک اور بائیک ریلی کو جھنڈی دکھائیں گے اور ہرسل میں ایک عوامی تقریب میں لوگوں سے خطاب بھی کریں گے۔اتراکھنڈ سرکارنے اس سال موسم سرما کی سیاحت کا پروگرام شروع کیا ہے۔ ہزاروں عقیدت مند پہلے ہی گنگوتری، یمونوتری، کیدارناتھ اور بدری ناتھ کے درشن کرچکے ہیں۔یہ پروگرام مذہبی سیاحت کو فروغ دینے اور مقامی معیشت، ہوم اسٹے، سیاحتی کاروبار وغیرہ کو مزید مستحکم کرنے کے مقصد سے شروع کیا گیا ہے۔
