ہم پہلے میچ کیلئے پوری طرح سے پرجوش ہیں:جوز بٹلر

اسلام آباد /یو این آئی/انگلش کرکٹ ٹیم کے کپتان جوز بٹلر نے کہا ہے کہ ہم پہلے میچ کے لئے پوری طرح سے پرجوش ہیں۔انگلش کپتان نے کہا کہ یہاں ہمیں اچھی ٹریننگ کا موقع ملا، لاہور سے پہلے ابوظبی میں بھی ٹریننگ سیشن کیے ۔جوز بٹلر نے بتایا کہ جیمی اسمتھ ٹیلنٹڈ پلیئر ہیں، وہ ذمے داری کے لیے تیار ہیں، کپتان نے کہا کہ وہ اپنی فارم سے مطمئن اور چیمپئینز ٹرافی کے لیے منتظر ہیں، یہاں کنڈیشنز مختلف ہوں گی۔انگلینڈ ٹیم کے کپتان نے بتایا کہ پی ایس ایل میں کئی کھلاڑی یہاں کھیل چکے ہیں، انہوں نے اپنے تجربے سے آگاہ کیا ہے ، یہاں ایک اچھا میچ ہو گا، جس کے لیے ہم تیار ہیں۔ان کا کہنا ہے کہ آسٹریلیا اپنے 3 گیندبازوں کو مس کرے گا لیکن وہ جارحانہ کرکٹ کھیلتے ہیں۔جوز بٹلر نے آسٹریلیا کے ساتھ اگلے میچ کے بارے میں کہا کہ یہ ایک اچھا میچ ہو گا۔