یو این آئی
نئی دہلی//کانگریس کے سینئر لیڈر اور ششی تھرور نے وزیر اعظم نریندر مودی کی تعریف کرتے ہوئے کہا ہے کہ یہ بڑی بات ہے کہ مودی دنیا کے پہلے لیڈروں میں شامل ہیں جنہیں امریکی صدر ڈونالڈ ٹرمپ کی طرف سے دعوت نامہ موصول ہوا ہے۔ تھرور نے نامہ نگاروں کو بتایا کہ’’یہ ایک اچھی علامت ہے کہ ہمارے وزیر اعظم پہلے عالمی رہنمائوں میں شامل ہیں جنہیں صدر ٹرمپ کی طرف سے دعوت نامہ موصول ہوا ہے‘‘۔سب سے پہلے سب سے اہم بات یہ ہے کہ مودی دعوت نامہ وصول کرنے والے پہلے لیڈروں میں شامل ہیں۔ اب ہم سب یہ جاننے کا انتظار کر رہے ہیں کہ ٹرمپ اور مودی کے درمیان ملاقات میں کن مسائل پر بات ہوئی۔ دونوں رہنمائوں کے درمیان بہت سے معاملات پر بات چیت ہونے والی ہے اور سب کو انتظار ہے کہ کیا بات چیت ہوئی۔انہوں نے کہا کہ ہندوستان اور امریکہ کے درمیان تجارت، درست ویزا، دہشت گردی، یوکرین-روس کا مسئلہ وغیرہ جیسے بہت سے مسائل پر بات ہونی ہے
