تاج محی الدین کی گھر واپسی ،کانگریس میں دوبارہ شامل ہونےکیلئے تیار

عظمیٰ ویب ڈیسک
سری نگر/سینئر سیاست رہنما اور سابق رکن اسمبلی تاج محی الدین جلد ہی کانگریس میں واپسی کے لیے تیار ہیں۔ تاج نے کہا کہ وہ جلد ہی اپنے گھر (کانگریس) واپس جائیں گے۔انہوں نے کہا کہ میں نے کانگریس میں دوبارہ شامل ہونے کا منصوبہ بنایا ہے۔تاہم تاج محی الدین نے اپنی دوبارہ شمولیت کی صحیح تاریخ نہیں بتائی۔
یاد رہےکہ تاج محی الدین نے اگست 2022 میں کانگریس چھوڑ کر غلام نبی آزاد کی ڈیموکریٹک پروگریسو آزاد پارٹی میں شمولیت اختیار کر لی تھی۔ بعد میں انہوں نے گزشتہ سال اگست میں ڈی پی اے پی سے استعفیٰ دینے کا اعلان کیا اور 2024 کے اسمبلی انتخابات میں اوڑی حلقہ سے آزاد امیدوار کے طور پر مقابلہ کیا۔