عظمیٰ نیوز سروس
سرینگر//نائب وزیر اعلی سریندر چودھری نے کل یہاں ایک آئی ٹی نمائش کا اِفتتاح کیا۔یہ تقریب جدید ترین آئی ٹی مصنوعات کی نمائش کے لئے ہے۔زائد اَز 40 ٹاپ برانڈز اَپنی مصنوعات اور خدمات کی نمائش کر رہے ہیں۔ یہ ایونٹ طلبأ ، عوام اور جی اِی ایم خریداروں (سرکاری محکموں) کے لئے بھی ہے۔ ہم مقامی تاجروں کو فروغ دینا چاہتے ہیں تاکہ حکومت کی آئی ٹی کی خریداری مقامی تاجروں کے ذریعے ہو۔نائب وزیرا علیٰ نے منتظمین سے بات چیت کرتے ہوئے کہا کہ اِس قسم کی ایکسپو کا اِنعقاد کمپنیوں کو اِنفارمیشن ٹیکنالوجی شعبے میں جدید ترین اِختراعات کو پیش کرنے کا موقع فراہم کرنے کے ساتھ ساتھ مقامی کمپنیوں اور قومی پلیئروںکے مابین تبادلے کا ذریعہ بھی ہے۔اُنہوں نے کہا کہ موجودہ دور اِنفارمیشن ٹیکنالوجی کا دور ہے۔ ہمیں جدید ترین تکنیکی مداخلتوں سے آگاہ ہونا ہوگا کیوں کہ موجودہ دور میں مسابقتی اور متعلقہ ہونا ضروری ہے۔
