عظمیٰ نیوز سروس
سرینگر//کشمیر ٹریڈرز اینڈ مینوفیکچررز فیڈریشن کے صدر محمد یاسین خان نے کل قاضی گنڈ ٹریڈرس فیڈریشن کی حلف برداری کے دوران محمد شفیع وانی کو قاضی گنڈ ٹریڈرس کے صدر اور فیاض احمد وانی کوحلف دلایا۔ اس موقع پر خطاب کرتے ہوئے محمد یاسین خان نے اقتصادی ترقی کو فروغ دینے کے لیے تجارتی برادری میں ایمانداری اور منصفانہ طرز عمل کی اہمیت پر زور دیا۔ انہوں نے نومنتخب اراکین کو مبارکباد دی اور انہیں KTMF کی جانب سے مستقبل کی کوششوں میں مکمل تعاون کا یقین دلایا۔ تقریب میں تاجر رہنمائوں اور سول سوسائٹی کے ارکان نے شرکت کی۔ تقریب میں ایم ایل اے اننت ناگ ویسٹ، عبدالمجید لارمی اور ایم ایل اے دیوسر پیرزادہ فیروز، ڈی ڈی سی ویسو قاضی گنڈ بلال احمد دیوا نے کشمیرمیں کاروباری برادری کو بااختیار بنانے میں KTMF کی کوششوں کی تعریف کی۔ فیڈریشن کے سینئر ممبران خان کے ساتھ قاضی گنڈ گئے جن میں قاضی توصیف، جاوید احمد بوجہ، حاجی معراج الدین مریخ، عبدالمجید خان، نثار احمد شاہد، فیروز احمد مسعودی کے علاوہ پلوامہ ،اننت ناگ ،کولگام اور دیگر قصبہ جات کے تاجر انجمنوں کے صدور نے بھی تقریب میں شرکت کی ۔
