یواین آئی
ڈھاکہ// شرمین اختر (96) اور فرغانہ حق (61) کی شاندار بلے بازی کے بعد سلطانہ خاتون (تین وکٹ)، معروفہ اختر اور ناہیدہ اختر (دو دو وکٹ) کی شاندار گیند بازی کی بدولت بنگلہ دیش کی خواتین ٹیم نے بدھ کو ایک روزہ میچ میں آئرلینڈ کی خواتین ٹیم کو 154 رنز سے شکست دے دی۔253 رنز کے ہدف کا تعاقب کرتے ہوئے آئرلینڈ کی شروعات خراب رہی اور 10 کے اسکور پراپنے دو وکٹ گنوادیئے ۔ اس کے بعد اورلا پرینڈرگاسٹ اور سارہ فوربس نے اننگ کو سنبھالنے کی کوشش کی۔ ناہیدہ اختر نے اورلا پرینڈرگاسٹ (19) کو آؤٹ کرکے اس شراکت داری کو توڑا۔ سارہ فوربس (25) ایک رن بنانے کے بعد آؤٹ ہوئیں۔ لورا ڈیلانی نے (22) رنز بنائے ۔ آئرلینڈ کی ٹیم کے آٹھ کھلاڑی ڈبل فیگر میں بھی نہ پہنچ سکے ۔ بنگلہ دیشی گیند بازوں کے سامنے آئرلینڈ کی پوری ٹیم 28.5 اوورز میں 98 رنز پر ڈھیر ہو گئی۔بنگلہ دیش کی جانب سے سلطانہ خاتون نے تین وکٹیں حاصل کیں۔ معروفہ اختر اور ناہیدہ اخترکو دو دو وکٹ ملے ۔اس سے قبل بنگلہ دیش کی خواتین ٹیم نے ٹاس جیت کر آئرلینڈ کے خلاف پہلے بیٹنگ کا فیصلہ کیا۔ فرغانہ حق اور مرشدہ خاتون کی اوپننگ جوڑی نے عمدہ آغاز کیا اور پہلے وکٹ کے لیے 59 رنز جوڑے ۔ شرمین اختر نے ٹیم کی جانب سے 89 گیندوں پر 14 چوکوں کی مدد سے (96) رنز کی اننگ کھیلی۔آئرلینڈ کی جانب سے فرییا سارجنٹ نے دو وکٹیں حاصل کیں۔ لورا ڈیلانی اور ایمی میگوئیر نے ایک ایک بلے باز کو آؤٹ کیا۔
