عظمیٰ نیوزسروس
ڈوڈہ//ڈوڈہ کی کہارہ تحصیل کے کینچہ باگدر گاؤں میں ایک پھیری والا پہاڑ سے گر کر اپنی جان سے ہاتھ دھو بیٹھا۔حکام نے بتایا کہ اتر پردیش کے بریلی سے تعلق رکھنے والا پھیری والامبینہ طور پر پھسل کر تقریباً 150سے200 فٹ تک نالے میں گر گیا۔حکام کے مطابق اس کے سر پر شدید چوٹ آئی اور وہ موقع پر ہی دم توڑ گیا۔ بعد میں اس کی شناخت زاہد حسین (40سال) ولد شہزادے کے طور پر ہوئی۔دریں اثناء حکام نے جائے وقوعہ پر پہنچ کر ضروری قانونی کارروائیاں مکمل کیں اور لاش کو مزید کارروائی کے لیے سڑک کے کنارے منتقل کر دیا۔
