عظمیٰ نیوز سروس
سرینگر //پولیس شہدا کی قربانیوں کو یاد کرنے کے اعزاز کے طور پر، والی بال ٹورنامنٹ شہدا پولیس پریمیئر لیگ کا گرینڈ فائنل ڈی پی ایل گاندربل میں کھیلا گیا۔والی بال ٹورنامنٹ کا گرینڈ فائنل بی ایچ ایس ایس کھرہامہ اور بی ایچ ایس ایس گاندربل کے درمیان کھیلا گیا جسے بی ایچ ایس ایس کھرہامہ نے 3:2 سے جیت لیا۔ دونوں ٹیموں نے عمدہ کھیل کا مظاہرہ کیا اور جوش و خروش سے کھیلا۔ تقریب کی صدارت ایس ایس پی گاندربل وسیم قادری نے کی۔ اس موقع پر دیگر اعلیٰ افسران بھی موجود تھے۔ پولیس نے ان تمام شرکا کو سراہا جنہوں نے مختلف ثقافتی، کھیلوں اور تعلیمی تقریبات میں حصہ لیا جن کا انعقاد پولیس فلیگ ڈے ہفتہ 2024 کے بینر تلے کیا گیا۔ یہاں یہ بات قابل ذکر ہے کہ جموں و کشمیر پولیس کی جانب سے مختلف کھیلوں اور ثقافتی تقریبات کا انعقاد کیا گیا تاکہ شرکا میں قوم کے اتحاد اور سالمیت کے جذبے کو پروان چڑھایا جا سکے اور ضلع کے طلبا اور نوجوانوں کو تلاش کرنے کا موقع اور پلیٹ فارم بھی فراہم کیا جا سکے۔ایونٹ کے اختتام پر فاتح اور رنر اپ ٹیموں کو نقد انعامات، ٹرافیاں اور تعریفی اسناد سے نوازا گیا۔
