یواین آئی
نئی دہلی//داخلہ اور امداد باہمی کے مرکزی وزیر امت شاہ نے منگل کو نئی دہلی میں منعقدہ رن فار یونٹی کو جھنڈی دکھا کر روانہ کیا سردار ولبھ بھائی پٹیل کے یوم پیدائش کے موقع پر یعنی 31اکتوبر کو منائے جانے والے قومی اتحاد کے دن کے ایک حصے کے طور پر رن فار یونٹی کا اہتمام کیا گیا تھا۔اپنے خطاب میں مرکزی وزیر داخلہ امت شاہ نے کہا کہ وزیر اعظم نریندر مودی نے 2015میں عظیم رہنما سردار ولبھ بھائی پٹیل کی یاد میں رن فار یونٹی منعقد کرنے کا فیصلہ کیا تھا تاکہ ملک کے لوگ ملک کی یکجہتی اور سالمیت کا عہد کرسکیں۔ انہوں نے کہا کہ اس کے بعد سے، پورا ملک رن فار یونٹی کے ذریعے نہ صرف پورے ملک کی یکجہتی اور سالمیت کا عہد کرتا ہے بلکہ خود کو بھارت کی خدمت کیلئے وقف کر دیتا ہے۔شاہ نے مزید کہا کہ رن فار یونٹی ملک کے اتحاد کا عہد نیز ترقی یافتہ ہندوستان کا عہد بن گیا ہے۔ انہوں نے کہا کہ وزیر اعظم مودی نے تمام ہم وطنوں کے سامنے 2047تک ایک مکمل ترقی یافتہ ہندوستان کی تعمیر کا عہد کیا ہے جو دنیا کے ہر میدان میں سب سے اوپر ہوگا۔اپنے خطاب میں مرکزی وزیر داخلہ امت شاہ نے کہا کہ وزیر اعظم نریندر مودی نے 2015میں عظیم رہنما سردار ولبھ بھائی پٹیل کی یاد میں رن فار یونٹی منعقد کرنے کا فیصلہ کیا تھا تاکہ ملک کے لوگ ملک کی یکجہتی اور سالمیت کا عہد کرسکیں۔ انہوں نے کہا کہ اس کے بعد سے، پورا ملک رن فار یونٹی کے ذریعے نہ صرف پورے ملک کی یکجہتی اور سالمیت کا عہد کرتا ہے بلکہ خود کو بھارت ماتا کی خدمت کیلئے وقف کر دیتا ہے۔شاہ نے مزید کہا کہ رن فار یونٹی ملک کے اتحاد کا عہد نیز ترقی یافتہ ہندوستان کا عہد بن گیا ہے۔ انہوں نے کہا کہ وزیر اعظم مودی نے تمام ہم وطنوں کے سامنے 2047تک ایک مکمل ترقی یافتہ ہندوستان کی تعمیر کا عہد کیا ہے جو دنیا کے ہر میدان میں سب سے اوپر ہوگا۔داخلہ اور امداد باہمی کے مرکزی وزیر نے کہا کہ یہ بدقسمتی کی بات ہے کہ سردار پٹیل کو برسوں تک فراموش کر دیا گیا اور انہیں بھارت رتن کے اعزاز سے بھی محروم رکھا گیا۔ شاہ نے کہا کہ ہر میدان میں سردار پٹیل کے وژن، نظریات اور پیغام کو وزیر اعظم مودی نے ٹھوس شکل دی ہے۔
