تہواروں سے بھرا مہینہ اکتوبر میں 15دن بینک بند رہیں گے

عظمیٰ مانیٹرنگ ڈیسک

نئی دہلی//اکتوبر 2024 کے مہینے میں بینک 15 دن بند رہیں گے۔ کیوں کہ شاردیہ نوراتری سے لے کر دسہرہ اور دیوالی تک کی چھٹیاں اکتوبر کے مہینے میں ہونے والی ہیں۔ مختلف ریاستوں میں چھٹیاں مختلف ہوں گی۔اکتوبر کے مہینے میں کئی بڑے تہوار ہیں جیسے نوراتری، دسہرہ، درگا پوجا، دیوالی۔ اس کے علاوہ مہاتما گاندھی جینتی، سردار ولبھ بھائی پٹیل جینتی، مہارشی والمیکی جینتی شامل ہیں۔ ایسے میں ریزرو بینک آف انڈیا نے اکتوبر 2024 کی بینک چھٹیوں کی فہرست جاری کی ہے۔ اکتوبر میں کل دو ہفتہ اور چار اتوار کی چھٹیاں بھی ہوں گی۔آر بی آئی کے مطابق اکتوبر میں بینک کل 15 دن تک بند رہیں گے۔ اگرچہ یہ تعطیلات مختلف ریاستوں میں ہیں، لیکن یہ تمام تعطیلات تمام ریاستوں میں لاگو نہیں ہوں گی۔ ان پندرہ دنوں میں بینک آف لائن بند رہیں گے۔ لیکن آن لائن بینکنگ خدمات جاری رہیںگی ۔اکتوبر میں بینک کی تعطیلات کے بعد بھی، آن لائن بینکنگ اور اے ٹی ایم کے علاوہ، آپ موبائل ایپ کے ذریعے رقم کا لین دین یا دیگر کام کر سکتے ہیں۔ بینک کی چھٹیوں کا ان خدمات پر کوئی اثر نہیں پڑے گا۔ بینک بند ہونے کے دوران بھی، آپ موبائل یا نیٹ بینکنگ کے ذریعہ بینک سے متعلق بہت سے کام کر سکتے ہیں۔

1 اکتوبر: جموں و کشمیر میں اسمبلی انتخابات کی چھٹی
2 اکتوبر: مہاتما گاندھی جینتی کے موقع پر قومی تعطیل
3 اکتوبر: شردیہ نوراتری اور مہاراجہ اگرسین جینتی
6 اکتوبر: ہفتہ وار چھٹی (اتوار)
10 اکتوبر: مہا سپتمی
11 اکتوبر: مہانومی
12 اکتوبر: دسہرہ اور دوسرا ہفتہ
13 اکتوبر: ہفتہ وار تعطیل (اتوار)
14 اکتوبر: درگا پوجا (دسہرہ) اور گنگٹوک میں دسہرہ
16 اکتوبر: لکشمی پوجا (اگرتلہ، کولکتہ)
17 اکتوبر: مہارشی والمیکی جینتی
20 اکتوبر: ہفتہ وار چھٹی (اتوار)
26 اکتوبر: یوم الحاق (جموں و کشمیر) اور چوتھا ہفتہ
27 اکتوبر: ہفتہ وار تعطیل (اتوار)
31 اکتوبر: نارک چتردشی، سردار ولبھ بھائی پٹیل جینتی اور دیوالی