عظمیٰ مانیٹرنگ ڈیسک
ممبئی // ریلائنس جیو اپنے صارفین کے لیے بمپر آفرز لایا ہے۔ جلد ہی کمپنی اپنے صارفین کو 100 جی بی تک مفت کلاوڈ اسٹوریج کی پیشکش کرے گی۔ اس سٹوریج میں تصاویر، ویڈیوز یا دستاویزات، کچھ بھی محفوظ کیا جا سکتا ہے۔ یہ معلومات چیئرمین اور منیجنگ ڈائریکٹر مکیش امبانی نے ریلائنس انڈسٹریز لمیٹڈ کی 47ویں سالانہ جنرل میٹنگ میں شیئر ہولڈرز سے خطاب کرتے ہوئے دی۔ بتادیں کہ گوگل اور دیگر کمپنیاں چند جی بی مفت دینے کے بعد کلاوڈ اسٹوریج کے لیے چارج کرتی ہیں۔اس کے علاوہ جیو برین جلد ہی مصنوعی ذہانت (AI)کو لانچ کرنے کی تیاری کر رہا ہے ۔ کمپنی اسے ‘‘ اے آئی ایوری ویئر فار ایوی ون’’ کے تھیم پر لانچ کرے گی۔بتاتے چلیں کہ جیو ٹولز اور پلیٹ فارمز کا ایک جامع سوٹ تیار کر رہا ہے جس میں پورے AI کا احاطہ کیا جا رہا ہے جسے ‘ جیو برین” کہا جاتا ہے ۔ امبانی نے کہا، “میں امید کرتا ہوں کہ ریلائنس کے اندر جیو کے دماغ کو بڑھا کر، ہم ایک طاقتور اے آئی سروسز پلیٹ فارم بنائیں گے ، ہم جام نگر میں ایک گیگا واٹ پیمانے پر اے آئیریڈی ڈیٹا سینٹر قائم کرنے کا ارادہ رکھتے ہیں، جو مکمل طور پر ریلائنس کی ملکیت میں ہوگا۔ اسے گرین انرجی سے چلایا جائے گا۔ ہمارا مقصد یہیں ہندوستان میں دنیا کی سب سے سستی AI انفرنسنگ بنانا ہے ۔ ہ ہندوستان میں اے آئی ایپلی کیشنز کو زیادہ سستی اور سب کے لیے قابل رسائی بنائے گا۔اس موقع پر، امبانی نے جیو اے آئی۔ کلاوڈ ویلکم آفر کا اعلان کیا۔ اس میں سبھی ڈیجیٹل مواد اور ڈیٹا کو محفوظ طریقے سے رکھنے اور ایکسسس کرنے کیلئے 100 جی بی تک کا مفت کلاوڈ سٹوریج دیا جائے گا۔ جیو کے چیئرمین آکاش انبانی نے کئی نئی اے آئی خدمات کا اعلان کیا۔ اس میں جیو ٹی وی او ایس، ہیلو جیو ، جیو ہومIoT سالیوشن، جیو ہوم ایپ اور جیو فون کال اے آئی شامل ہیں۔
