عظمیٰ نیوز سروس
اونتی پورہ//ڈائریکٹوریٹ آف فزیکل ایجوکیشن اینڈ سپورٹس کے زیر اہتمام انٹر ڈیپارٹمنٹل کرکٹ ٹورنامنٹ (مرد) 2024 منگل کو اسلامک یونیورسٹی آف سائنس اینڈ ٹیکنالوجی میں شروع ہوا۔ ٹورنامنٹ کے دوران مختلف شعبہ جات کی 20 ٹیمیں ایک دوسرے کے مدمقابل ہوں گی۔ پروفیسر عبدالواحد، رجسٹرار IUST اور مسٹر سمیر وزیر، فنانس آفیسر نے ٹورنامنٹ کا افتتاح کیا۔اے ڈی سپورٹس ڈاکٹر ہلال احمد راتھر نے شرکا کو خوش آمدید کہا اور ٹیموں کا تعارف کرایا۔ پروفیسر عبدالواحد نے منتظمین کو سراہتے ہوئے کہا کہ غیر نصابی سرگرمیاں ایک گول شخصیت کی نشوونما کے لیے اہم ہیں۔ سمیر وزیر، فنانس آفیسر نے شرکا سے اپنے خطاب میں کہا کہ کھیلوں کے بنیادی ڈھانچے کی ترقی کو ترجیح دی جا رہی ہے اور وائس چانسلر پروفیسر شکیل احمد رومشو کی ہدایت پر ہمارے نوجوانوں کو قومی کھیلوں میں حصہ لینے کا پلیٹ فارم فراہم کرنے کے لیے سپورٹس پالیسی بنائی جا رہی ہے۔
