یو این آئی
کینبرا// آسٹریلیا نے اعلان کیا کہ فوجیوں کی تعداد بڑھانے کیلئے غیر ملکی شہریوں کو بھی فوج میں بھرتی کیا جائے گا۔آسٹریلیا کے نائب وزیر اعظم و وزیر دفاع رچرڈ ڈونالڈ مارلس نے کہا کہ مسلح افواج میں 4400 افراد کے خلا کو پر کرنے کیلئے اقدامات کیے گئے ہیں۔ مارلس نے کہا کہ ملک دنیا کے ساتھ تجارت کی وجہ سے غیر ملکی افواج کے دباؤ کے باعث نازک حالت میں ہے ۔کل وقتی اہلکاروں کی تعداد کو 63 ہزار 600 تک بڑھانے کا ہدف مقرر کرنے کی توضیح کرتے ہوئے مارلس نے اعلان کیا کہ حکومت 2040 تک اس تعداد کو 80 ہزار تک بڑھانے کا ارادہ رکھتی ہے۔مارلس بتایا کہ فوج میں بھرتی’فائیو آئیز‘ کے نام سے منسوب امریکہ، انگلینڈ، آسٹریلیا، کینیڈا اور نیوزی لینڈ کی طرف سے بنائے گئے انٹیلی جنس اتحاد تک اور آسٹریلیا میں اقامہ ہولڈرز تک محدود ہوگی۔
