عظمیٰ نیوز سروس
کٹھوعہ//کٹھوعہ ضلع میں اتوار کو متعدد گاڑیوں کے تصادم میں ایک 41 سالہ خاتون کی موت ہو گئی اور اس کے شوہر سمیت پانچ افراد زخمی ہو گئے۔ پولیس ذرائع کے مطابق یہ حادثہ جموں-پٹھانکوٹ ہائی وے کے ساتھ دیالا چک میں بظاہر دو مسافر بسوں کی تیز رفتاری کے باعث پیش آیا۔انہوں نے بتایا کہ ایک بس نے دوسری بس سے ٹکرانے سے پہلے دو موٹرسائیکلوں کو ٹکر ماری۔حکام نے مزید کہا کہ جائے وقوعہ پر چار مزید نجی کاریں بسوں سے ٹکرا گئیں۔انہوں نے بتایا کہ پنتھ کوٹ کی رہائشی منجیت کور، جو اپنے شوہر کے ساتھ موٹر سائیکل پر سفر کر رہی تھی، ہسپتال لے جاتے ہوئے راستے میں زخموں کی تاب نہ لاتے ہوئے چل بسی۔اہلکار نے بتایا کہ اس کے شوہر کی حالت تشویشناک بتائی گئی ہے۔حکام نے بتایا کہ دو موٹر سائیکل سواروں سمیت چار مزید افراد بھی اس حادثے میں زخمی ہوئے اور گورنمنٹ میڈیکل کالج ہسپتال کٹھوعہ میں زیر علاج ہیں۔
