یو این آئی

جموں// جموں وکشمیرکے سرمائی دارلخلافہ جموں میں پولیس اہلکار نے اپنی ہی سروس رائفل سے اپنی زندگی تمام کی۔
اطلاعات کے مطابق پولیس اسٹیشن نو آباد میں تیعنات سلیکشن گریڈ کانسٹیبل نے مبینہ طورپر اپنی ہی سروس رائفل سے اپنی زندگی کا خاتمہ کیا۔
واقعہ کے فوراً بعد وہاں موجود دوسرے فورسز اہلکار اس کی طرف دوڑے اور اس کو خون میں غلطاں دیکھا۔
انہوں نے اپنے زخمی ساتھی کو فوری طور نزدیکی اسپتال منتقل کیا جہاں ڈاکٹروں نے اس کو مردہ قرار دیا۔
متوفی کی شناخت سلیکن گریڈ کانسٹیبل اقبال حسین ساکن پونچھ کے بطور ہوئی ہے۔
دریں اثنا پولیس نے اس سلسلے میں ایک کیس درج کرکے تحقیقات شروع کی۔
قابل ذکر ہے کہ سیکورٹی اداروں کی جانب سے یوگا اور آرٹ آف لیونگ کی سرگرمیاں متعارف کرانے کے باوجود بھی جموں وکشمیر میں تعینات سیکورٹی فورس اہلکاروں میں خودکشی کے رجحان میں کوئی کمی نہیں آرہی ہے۔