عظمیٰ نیوز سروس
سرینگر// وادی کشمیر میں موجودہ خشک موسمی حالات سے راحت حاصل کرنے کیلئے، جمعہ کو سرینگر کی تاریخی جامع مسجد میں ایک خصوصی دعا صلو اۃالاستقا ادا کی گئی۔رپورٹس میں کہا گیا ہے کہ عقیدت مندوں کی ایک بڑی تعداد نے نماز میں شرکت کی اور وادی میں خشک سالی جیسے موسمی حالات ختم ہونے کی دعاکی۔عقیدت مندوں کو اللہ تعالی کے حضور روتے ہوئے اور سخت سردیوں کے موسم ‘چلا کلاں’ کے درمیان بے مثال خشک موسمی حالات سے مہلت مانگتے ہوئے دیکھا گیا۔انجمن اوقاف جامع مسجد نے لوگوں سے کہا تھا کہ وہ وادی میں طویل خشک سالی کے خاتمے کے لیے سرینگر کے وسط میں واقع تاریخی مسجد میں نماز التسقا میں شامل ہوں۔
