عظمیٰ نیوز سروس
جموں//چیف سیکرٹری اتل ڈولو نے محکمہ ہائیر ایجوکیشن سے متعلق اہم مسائل پر تبادلہ خیال کرتے ہوئے کہا کہ یہ وقت کے مفاد میں ہے کہ اعلیٰ تعلیم کو معیاری بنانے کیلئے نیشنل اسیسمنٹ اینڈ ایکریڈیٹیشن کونسل ( این اے سی ) کا جائیزہ لیا جائے تا کہ جلد از جلد یو ٹی کے تمام ڈگری کالجوں میں فراہم کی جانے والی تعلیم کے معیار کو دیکھا جا سکے ۔ انہوں نے یہ باتیں یو ٹی کے اعلیٰ تعلیمی اداروں کے کام کاج کا جائیزہ لینے کیلئے منعقدہ اجلاس کی صدارت کرتے ہوئے کہیں ۔ میٹنگ میں محکمہ ہائیر ایجوکیشن کے پرنسپل سیکرٹری کے علاوہ ڈائریکٹر کالجز اور محکمہ کے دیگر سینئر افسران نے شرکت کی ۔ میٹنگ میں بات کرتے ہوئے چیف سیکرٹری نے کہا کہ اعلیٰ تعلیمی اداروں کے معیار کا اس علاقے کے انسانی وسائل کی صلاحیت پر براپ راست اثر پڑتا ہے ۔ انہوں نے کہا کہ ایسے اداروں میں نوجوانوں کی صحیح قسم کی گرومنگ اور صلاحیت سازی ان کے مستقبل کو بہتر سے محفوظ رکھ سکتی ہے ۔ انہوں نے کم از کم ہر ڈسٹرکٹ کالج کیلئے ’ اے اور اس سے اوپر کا گریڈ ‘ حاصل کرنے کی ضرورت پر زور دیاجو یہاں دہائیوں پہلے قائم کیا گیا تھا ۔ انہوںنے کہا کہ این اے اے سی کے رہنما خطوط کے مطابق تھوڑی زیادہ مداخلت کے ساتھ یہ کالج آسانی کے ساتھ یہ گریڈ حاصل کرنے کیلئے تیار ہیں ۔ڈولو نے اس بات کو یقینی بناتے ہوئے کہ صنعتوں /پیرا میڈیکل کالجوں/دیگر ہنر مندی کے اداروں جیسے شری وشو کرما اسکل یونیورسٹی ہریانہ کے ساتھ گٹھ جوڑ کو یقینی بناتے ہوئے ہنر مندی کو کورسز کا حصہ بنانے کا حکم دیا اور جموں و کشمیر کے نوجوانوں کو اپنی صلاحیتوں کو نکھارنے کا موقع فراہم کیا گیا جس سے یو ٹی بھر میں روز گار کے مواقع کو بڑھانے پر مثبت اثر پڑا ۔ انہوں نے کہا کہ محکمہ کی جانب سے صنعت کی ضروریات کو پورا کرنے کیلئے ان کے ساتھ شراکت داری کو ترجیحی بنیادوں پر شروع کیا جائے گا جس میں صنعت کے لوگوں کے لیکچرز کا اہتمام کرنے کے ساتھ ساتھ صنعتوں کے دورے کئے جائیں گے ۔ چیف سیکرٹری نے جموں و کشمیر یو ٹی میں انسٹی ٹیوشنز انوویشن کونسلز ( آئی آئی سیز ) کی حثیت کے بارے میں بھی دریافت کیا جس میں بتایا گیا کہ اس کیلئے تقریباً 20 کالجوں کی نشاندہی کی گئی ہے ۔ جموں و کشمیر کے نوجوانوں کیلئے جدت طرازی اور کاروباری سرگرمیوں کو فوری طور پر شروع کرنے پر خصوصی توجہ کے ساتھ اس پہلو پر کام کی رپورٹ طلب کی گئی ۔ اس بات پر بھی زور دیا گیا کہ محکمہ پورٹل پر طلبہ کے اندراج کو زیادہ سے زیادہ کرنے کیلئے اعلیٰ معیار کے آن لائن کورسز کی فراہمی کو ترجیح دے گا ۔ یہ اقدام طلباء کو مختلف فوائد فراہم کرے گا جو کہ دکش کسان پورٹل کے کامیاب ماڈل کے مشابہ ہے جو کہ یو ٹی نے جے اینڈ کے کے کسانوں کیلئے تیار کیا ہے ۔ میٹنگ کے دوران چیف سیکرٹری نے محکمہ کو درپیش دیگر مسائل کے بارے میں بھی بصیرت حاصل کی ۔ انہوں نے یو ٹی میں نئی تعلیمی پالیسی کے نفاذ ، ڈگری کالجوں میں فیکلٹی کی پوزیشن ، انجینئرنگ کالجوں کے کام کاج اور نئے قائم ہونے والے کالجوں کیلئے بنیادی ڈھانچے کی تعمیر وغیرہ کے بارے میں دریافت کیا ۔ اپنی پرذنٹیشن میں ہائیر ایجوکیشن کے پرنسپل سیکرٹری آلوک کمار نے میٹنگ کو جموں و کشمیر میں اعلیٰ تعلیم کے اثرات اور رسائی کو آگے بڑھانے میں محکمہ کی طرف سے اٹھائے گئے اقدامات کے بارے میں آگاہ کیا ۔
