عظمیٰ نیوز سروس
سرینگر//کے وی آئی بی کی وائس چیئر پرسن ڈاکٹر حنا شفیع بٹ نے کل صنعت گھر بمنہ میں جموں و کشمیر کے وی آئی بی کی کارکردگی کا جائزہ میٹنگ کی صدارت کی۔میٹنگ میں بتایا گیا کہ رواں مالی برس کے دوران 4,596 یونٹ ہولڈروں کو 100 کروڑ روپے کی مارجن منی جاری کی گئی ہے جس سے 36,028 اَفراد کیلئے روزگار کے مواقع پیدا ہوئے ہیں۔وائس چیئرپرسن نے یوٹی بھر میں روزگار کے مواقع پر بامعنی اثر ڈالنے کے لیے شراکت داروںکی فعال شمولیت کو یقینی بنانے کی ضرورت پر زور دیا۔ اُنہوں نے اِس بات کا اعادہ کیا کہ روزگار پیدا کرنے کے ان پروگراموں کو جامع بنانے کے لئے خصوصی اور مربوط کوششیں کی جائیں تاکہ معاشرے کے تمام طبقوں کو مساوی مواقع فراہم کئے جائیں اور پسماندہ طبقات سے تعلق رکھنے والے اَفراد، خواتین اورجسمانی طور خاص اَفراد وغیرہ کو خصوصی ترجیح دی جائے۔سی اِی اوجموںوکشمیرکے وِی آئی بی نے جموںوکشمیر یوٹی میں روزگار کے مواقع پیدا کرنے کے لئے بورڈ کی کوششوں کی ستائش کرتے ہوئے افسران کو ہدایت دی کہ وہ ان سکیموں کے ہدف پر مبنی نفاذ کو یقینی بنانے کے لئے ایک مضبوط نگرانی اور تشخیصی فریم ورک اَپنائیں۔ اس بات کو یقینی بنانے اور تمام سرگرمیاں بڑے اہداف اور مقاصد کے ساتھ مطابقت رکھتی ہیں۔
