یو این آئی
لاس اینجلس// امریکہ کے ہوائی صوبے کے ماوئی کے جنگل میں لگی آگ سے مرنے والوں کی تعداد بڑھ کر 114 ہو گئی ہے۔حکام نے ہفتہ کو یہ اطلاع دی۔ماؤئی پولیس ڈیپارٹمنٹ نے ایک اپ ڈیٹ میں تصدیق کی ہے کہ جمعرات کو جنگل میں لگنے والی آگ سے مرنے والوں کی مجموعی تعداد 111 تھی، جو جمعہ کو بڑھ کر 114 ہو گئی۔ہوائی کے گورنر جوش گرین نے کہا کہ اس آفت میں مرنے والوں کی تعداد میں اضافے کا خدشہ ہے۔گورنر نے کہا کہ ماؤئی میں تباہی کے دائرہ کو الفاظ میں بیان کرنا مشکل ہے۔ بڑے پیمانے پر آگ لگنے سے 2,200 سے زیادہ عمارتیں تباہ ہو چکی ہیں۔ اب، ہم زندہ بچ جانے والوں کو تلاش کرنے، الگ ہونے والے کنبوں کو دوبارہ ملانے کی کوشش کر رہے ہیں جنہیں ہم نے کھو دیا ہے ان کے باقیات کی شناخت کرنے کے مشکل کام میں مصروف ہیں۔گورنر کے مطابق تقریباً 470 سرچ اینڈ ریسکیو اہلکار اور 40 اسنیفر ڈاگ سینکڑوں جلی ہوئی عمارتوں کی تلاشی لے رہے ہیں۔ انہوں نے کہا کہ ہم لاہینا کو دوبارہ تعمیر کریں گے۔ اس میں برسوں کا کام اور اربوں ڈالر خرچ ہوں گے، لیکن ہم اس کوشش کے لیے پرعزم ہیں اور مل کر اس چیلنج کا مقابلہ کریں گے۔ گرین نے کہا کہ جنگل کی آگ نے ماوئی کے ایک مشہور سیاحتی مقام اور کبھی ریاست ہوائی کا دارالحکومت رہے تاریخی شہر لاہینا کے زیادہ تر حصے کو اپنی زد میں لے لیا ہے۔ یہ تقریباً 13 ہزار افراد کا گھر ہے۔انہوں نے کہا کہ انہوں نے ماوئی میں لگنے والی آگ پر ہنگامی ردعمل کی ہر تفصیل کا جامع جائزہ لینے کا حکم دیا ہے۔مقامی خبر رساں ادارے ہوائی نیوز ناو نے رپورٹ کیا کہ تقریباً 1,000 لوگ اب بھی لاپتہ ہیں۔
