ایم ایم پرویز
رام بن//سرینگر جموں قومی شاہراہ T2 ٹنل پر پتھر گرنے کی وجہ سے مختصر مدت کیلئے بندرہی تاہم مجموعی طور امرناتھ یاتریوں، سیاحوں، اور مسافر گاڑیوں اور جموں کیلئے مال بردارگاڑیوں کی یک طرفہ ٹریفک کو لے جانے والی گاڑیوں کی دو طرفہ ٹریفک کیلئے کھلی رہی۔
ٹریفک حکام نے بتایا کہ جموں سری نگر قومی شاہراہT2ٹنل، ماروگ رام بن پر پتھرگرنے کی وجہ سے 40 منٹ تک بلاک رہی۔انہوں نے مزید کہا کہ جموں سری نگر قومی شاہراہ کے ناشری اور بانہال سیکٹروں کے درمیان چند بھاری گاڑیوں کی خرابی اور سنگل لین سڑک کی وجہ سے ٹریفک کی رفتار سست رہی۔
رام بن میں ٹریفک حکام نے بتایا کہ امرناتھ یاتری کو لے جانے والی سیکڑوں ہلکی درمیانی گاڑیاں، سیاح، پرائیویٹ کاریں اور مسافر گاڑیاں بغیر کسی رکاوٹ کے ہائی وے کے دونوں طرف چلتی رہیں۔انہوں نے کہا کہ قاضی گنڈ، کشمیر سے چھوڑی گئی بھاری گاڑیاں ہائی وے پر ایک منظم طریقے سے جموں کی طرف جا رہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
