عاصف بٹ
کشتواڑ//کشتواڑ بٹوت قومی شاہراہ پردرابشالہ کلگڑی کے قریب موٹر سائیکل کی ڈمپر سے ٹکر میں ایک شخص کی موت واقع ہوئی جبکہ دوسرا شدید زخمی ہوا۔ یہ واقعہ دوپہر کو پیش آیا جب موٹر سائیکل زیر نمبر JKO2AN00279کی ڈمپر زیرنمبر JK02CT 4195 سے ٹکر ہوئی جس میںموٹر سائیکل پرسواردونوںافراد شدید زخمی ہوئے۔ زخمیوں کو فوری طور ٹھاٹھری ہسپتال منتقل کیا گیا جہاں 24 سالہ محمد اشرف ولد بشیر احمد ساکنہ پنی نالے کو ڈاکٹروں نے مردہ قرار دیا جبکہ اسکے ساتھ موجود 25 سالہ کفایت اللہ ولد محمد حنیف شدید زخمی بتایا جارہا ہے جسے مزید علاج و معالجے کیلئے میڈیکل کالج ڈوڈہ منتقل کیاگیا۔چوکی انچارج درابشالہ وشال سنگھ نے کشمیر عظمیٰ کو بتایا کہ پولیس نے معاملے میں مقدمہ درج کرلیاہے اور تحقیقات کا عمل شروع کردیاگیاہے۔
