ترال کا نوجوان تھنگتا کھلاڑی | عابد شاہ قومی سطح پر مقابلے میں حصہ لے گا

سید اعجاز
ترال// سرکار کی جانب سے بجونی ترال میں ایک انڈور اسٹیڈیم تعمیر کرنے کے بعدترال کو کھیلو انڈیاسنٹر مل گیا ہے جس کی وجہ سے یہاں مختلف کھیلوں کے کچھ گزشتہ قریب دو سال سے یہاں سرگرم ہیں۔ ان کھیلوں میں تھنگتا بھی ایک کھیل ہے جس کی جانب ترال کے نوجوانوں کی ایک بڑی تعداد تربیت حاصل کر رہے ہیں۔عابد احمد شاہ ولد محمد اشرف شاہ ساکن ناگہ ترال بھی کھیلوانڈیا سنٹر میں ایک کھلاڑی ہے جس نے ترال،پلوامہ اور سرینگر میں شاندار کار کردگی کے بعد نیشنل سطح پر کھیلنے کے لئے جگہ ہموار کی ہے اور وہ کنیا کماری میں تھنگتاچمپئن شپ میں کھلیں گے۔KICترال کے تھنگتا کوچ ترال سجاد احمد نے بتایا عابد نے ٹرائلز میں بھی شاندار کار کردگی کا مظاہرہ کیا ہے۔ انہوں نے کہا پہلے پانچ کھلاڑی اور اب کی بار 18 کھلاڑی KIC ترال سے نیشنل کھلیں گے ۔انہوں نے بتایا ترال کے نوجوانوں میں زبردست ٹیلنٹ ہے اور ہم بھی کوئی کسر نہیں چھوڑتے ہیں ۔