نیوز ڈیسک
جموں// حکام نے انسداد تجاوزات مہم کے دوران تقریباً 11 تجارتی ڈھانچوں کو ہٹا دیا اور ڈویژنل کمشنر جموں کے دفتر کے سامنے واقع 10 کنال اراضی کو دوبارہ حاصل کیا۔صبح سویرے درجنوں پولیس اور نیم فوجی اہلکاروں کے ہمراہ پولیس اور سول انتظامیہ کے اعلیٰ حکام کے ساتھ حکام نے اچانک انسداد تجاوزات مہم شروع کرنے کے لیے پانامہ چوک کے قریب گاڑیوں کی آمدورفت کو روک دیا۔مہم کے دوران سیکورٹی فورس کی مدد سے اہلکاروں نے تقریباً 11 تجارتی ڈھانچوں کو ہٹایا اور تقریباً 10 کنال اراضی حاصل کی۔ مہم صبح ساڑھے نوبجے ختم ہوئی۔تاہم، ایک مقامی شخص میڈیا کے سامنے پیش ہوا اور حکام کے اس دعوے کا مقابلہ کرتے ہوئے کہا کہ اس کے پاس زمین کے کاغذات ہیں جو اس سے لے لی گئی ہے۔
تقریباً 11 تجارتی ڈھانچوں کو منہدم کر دیاگیا
ملک و جہان کی خبروں سے رہیں اپڈیٹ
نیوز لیڑ ای میل پر پائیں
