سری نگر//وسطی کشمیر کے سری نگر ضلع کے نوہٹہ علاقے میں اتوار کی شام کو جاری موقعانہ تصادم میں ایک پولیس اہلکار زخمی ہوا ہے۔
خبر رساں ایجنسی جی این ایس نے ایک اعلیٰ پولیس افسر کے حوالے سے بتایا کہ نوہٹہ میں جاری مسلح تصادم میں ایک پولیس اہلکار زخمی ہوا ہے۔
علاقے میں تاحال پولیس اور جنگجووں کے درمیان وقفے وقفے سے فائرنگ جاری تھی۔
دریں اثنا کشمیر پولیس زون نے ٹویٹ کر کے بتایا، “سرینگر کے نوہٹہ علاقے میں چانس انکاونٹر شروع ہوا۔ پولیس اور سی آر پی ایف کام پر ہیں۔ مزید تفصیلات آگے آئیں گی”۔
ایک اور ٹویٹ میں پولیس نے بتایا،” جاری تصادم میں، کانسٹبل سرفراز احمد سکنہ بٹوت رام بن نامی ایک پولیس اہلکار زخمی ہوا۔ اسے علاج کے لیے ہسپتال منتقل کیا گیا۔ ایک ملی ٹینٹ زخمی بھی ہوا۔ تلاش ابھی بھی جاری ہے۔ مزید تفصیلات کا انتظار ہے”۔
