بانڈی پورہ میں ٹینس کرکٹ چیمپئن شپ کا آغاز

بانڈی پورہ//ڈپٹی کمشنر بانڈی پورہ، ڈاکٹر اویس احمد نے جمعہ کو یہاں کے ایس کے اسٹیڈیم میں پہلی ڈسٹرکٹ ٹینس کرکٹ چیمپئن شپ بانڈی پورہ کا آغاز کیا۔ڈی سی کے ساتھ پدم شری ایوارڈ یافتہ فیصل علی ڈار بھی تھے۔چیمپئن شپ کا انعقاد ڈسٹرکٹ ٹینس کرکٹ چیمپئن شپ ایسوسی ایشن نے ضلع انتظامیہ بانڈی پورہ، ڈسٹرکٹ الیکشن آفس بانڈی پورہ اور علیز اسپورٹس اکیڈمی بانڈی پورہ کے اشتراک سے کیا ہے۔تین روزہ چیمپئن شپ میں ضلع بھر سے 34 ٹیمیں سینئر اور جونیئر کیٹیگری میں حصہ لے رہی ہیں جن میں لڑکیوں کی 08 ٹیمیں شامل ہیں۔چیمپئن شپ کا مقصد 04 ٹیموں کا انتخاب کرنا ہے، دو لڑکوں سے اور دو لڑکیوں کے زمرے سے سری نگر میں یو ٹی سطح کے مقابلے میں حصہ لینے کے لیے۔اس موقع پر خطاب کرتے ہوئے ڈاکٹر اویس نے کہا کہ بانڈی پورہ نے گزشتہ سالوں میں کھیلوں میں اپنی صلاحیتوں کا لوہا منوایا ہے۔ انہوں نے کھیلوں کی اہمیت کو اجاگر کیا اور شرکاء کی حوصلہ افزائی کی کہ وہ اپنی صلاحیتوں کو ظاہر کرنے کے لیے ایسے پلیٹ فارمز کا بہترین استعمال کریں۔