بھروچ// وزیر اعظم نریندر مودی نے جمعرات کو کہا کہ وہ گڈ گورننس اور غریبوں کی فلاح و بہبود کے لیے وقف ہیں، وزیر اعظم کے طور پر وہ آٹھ سال سے قوم کی خدمت کر رہے ہیں۔مسٹر مودی ویڈیو کانفرنسنگ کے ذریعے گجرات کے بھروچ میں منعقدہ ‘اتکرش سماروہ’ سے خطاب کر رہے تھے ۔ انہوں نے کہا کہ آج کا اتکرش سماروہ واقعی بہت اچھا ہے اور یہ اس بات کا ثبوت ہے کہ جب حکومت مخلصانہ طور پرعزم کے ساتھ مستحقین تک پہنچتی ہے تو اس کے کتنے ہی ثمر آور نتائج برآمد ہوتے ہیں۔انہوں نے کہاکہ “میں مبارکباد دینا چاہوں گا بھروچ ضلع انتظامیہ کو، گجرات حکومت کو چار سماجی تحفظ کی اسکیموں کی صد فیصدنفاذ کے لیے آپ سب بہت بہت مبارکباد کے مستحق ہیں۔ وزیر اعظم نے کہاکہ “ابھی جب میں ان اسکیموں سے فائدہ اٹھانے والوں سے بات کر رہا تھا، میں دیکھ رہا تھا کہ وہ کتنے مطمئن ہیں۔ کتنے پراعتماد ہیں۔ مصیبتوں سے نمٹنے میں حکومت کی طرف سے تھوڑی سی مدد بھی ہو جائے تو جذبہ بلند ہو جاتا ہے اور مصیبت خود ہی مجبور ہو جاتی ہے اور مصیبت کا سامنا کرنے والا مضبوط ہو جاتا ہے ۔
