سرینگر// بارہمولہ منصف کورٹ نے مسلم لیگ چیئرمین کو3مئی تک جوڈیشل ریمانڈمیں رکھنے کاحکم صادرکردیا۔مسلم لیگ کے لیگل سیکرٹری شاہ ریاض نے بتایاکہ محبوس مزاحمتی رہنماء اورلیگ کے سربراہ مسرت عالم بٹ کوبدھ کے روزبارہمولہ پولیس نے مقامی منصف کورٹ کے جج کے روبرئو پیش کیا،جہاں سے پولیس نے موصوف کیخلاف3مئی 2017تک کاجوڈیشل ریمانڈحاصل کیا۔شاہ ریاض کے مطابق چندروزقبل ایک کیس میں بارہمولہ کی عدالت کی جانب سے مسرت عالم کی ضمانتی درخواست کومنظورکیاگیا،لیکن عدالتی حکم پرمزاحمتی رہنماء کی بطوررسم خانہ پوری رہائی عمل میں لائی گئی ۔انہوں نے کہاکہ پولیس نے مسرت عالم بٹ کورہائی کیساتھ ہی دوبارہ حراست میں لیا،اوراگلے روزبارہمولہ پولیس نے یہ مضحکہ خیزدعویٰ کیاکہ مسلم لیگ کے محبوس چیئرمین کیخلاف بارہمولہ پولیس تھانہ میں ایک کیس زیرایف آئی آر52/2017زیردفعہ13یوایل اے اور120Bآرپی سی درج ہے۔شاہ ریاض کے مطابق پولیس نے بدھ کے روزاسی کیس کے سلسلے میں مسرت عالم بٹ کوبارہمولہ منصف کورٹ کی عدالت میںپیش کیا،جہاں پولیس نے مسرت عالم کیخلاف3مئی تک کاجوڈیشل ریمانڈحاصل کیا۔انہوں نے درج کیس کومضحکہ خیزقراردیتے ہوئے سوالیہ اندازمیں کہاکہ اگرمسرت عالم اپریل2016سے متواترطورپرپابندسلاسل ہیں توانہوں نے اس دوران کہاں اورکس جگہ ایسی کوئی سرگرمی انجام دی کہ اُن کیخلاف پولیس تھانہ بارہمولہ میں ایف آئی آردرج ہے۔مسلم لیگ کے لیگل سیکرٹری نے کہاکہ گزشتہ27برسوں کے دوران ابتک مسرت عالم بٹ نے زندگی کے18برس جیلوں ،تعذیب خانوں اورپولیس تھانوں میں کاٹے ہیں ۔شاہ ریاض نے بتایاکہ منگل کے روزعدالت نے مسرت عالم کوضمانت پررہاکرنے کافیصلہ صادرکردیاتھالیکن حسب سابق موصوف کورسم خانہ پوری کے تحت رہاکرنے کیساتھ ہی پھرگرفتارکیاگیا،اوریہ سلسلہ گزشتہ کئی برسوں سے اختیارکیاگیاہے۔
مسرت عالم 3مئی تک عدالتی تحویل میں جیل منتقل
