سرینگر// ریاست کے طول ارض میں بدھ سے بانی اسلام کشمیر اور محسن کشمیر حضرت شاہ ہمدانؒ کا 652واں ایام عرس مبارک کی تقاریب نہایت عقیدت واحترام کے ساتھ منعقد ہونے جارہی ہیں۔ اِس سلسلے میں تاریخی خانقاہ معلی میں خطمات المعظمات، درود اذکار اور مولود خوانی کی مجلس نمازِ عصر تا نمازِ مغرب منعقد ہونگے اور نمازِ مغرب سے نمازِ عشا ء تک مولود خوانی کی مجلس آراستہ ہوگی۔ سرپرست اعلیٰ بقعہ عالیہ اور میرواعظ مولانا ریاض احمد ہمدانی نے انتظامیہ سے ایام متبرکہ کے دوران زائرین کیلئے تمام سہولیات میسر رکھنے کی اپیل کی۔ انہوں نے کہا کہ ان ایام میں بغیر خلل بجلی، پانی ،صحت و صفائی اور ٹرانسپورٹ کی سہولیات میسر کھی جانی چاہئیں۔
حضرت شاہ ہمدانؒ کے عرس پر انتظامات کی اپیل
