لندن/آئی سی سی ون ڈے رینکنگ میں جونی بیئراسٹو، معین علی، جوز بٹلر اور دیگر کی ترقی ہوئی ہے۔آسٹریلیا کی انگلینڈ کے ہاتھوں پانچ ون ڈے میچز کی سیریز میں وائٹ واش کے بعد آئی سی سی نے پلیئرز رینکنگ جاری کر دی، فاتح ٹیم کے جونی بیئراسٹو، معین علی ٹاپ 10 کے قریب پہنچ گئے ہیں۔ بیٹسمینوں میں جونی بیئراسٹو، جوز بٹلر اور جیسن رائے نے ترقی کی ہے، بیئراسٹو 4 درجے ترقی کے ساتھ 11 ویں، پلیئر آف دی سیریز جوز بٹلر دو درجے بہتری کے ساتھ 16 ویں جبکہ جیسن رائے تین درجے آگے آتے ہوئے 20 ویں نمبر پر آ گئے ہیں۔ آسٹریلیا کو ایک روزہ سیریز کے پانچویں اور آخری میچ میں ایک دلچسپ اور سنسنی خیز مقابلے کے بعد ایک وکٹ سے شکست دے کر کلین سوئپ کردیا۔ مانچسٹر میں کھیلے گئے پانچویں ایک روزہ میچ میں آسٹریلیا نے ٹاس جیت کر پہلے بلے بازی کرنے کا فیصلہ کیا۔ آسٹریلیا میں ابتدائی اوووروں میں بہترین بلے بازی کا آغاز کیا لیکن اچھے آغاز کے باوجود اس کا یہ فیصلہ درست ثابت نہ ہوسکا۔ آسٹریلیا کے دونوں اوپنر ایرون فنچ اور ٹریویس ہیڈ نے ابتدائی 6 اوورز میں جارحانہ کھیل کا مظاہرہ کیا اور پہلے وکٹ کے لئے 60 رنوں کی شراکت کی۔ معین علی نے بہترین گیند بازی کا مظاہرہ کرتے ہوئے فنچ کو آوٹ کرنے کے بعد اسٹونین کو صفر اور شان مارش کو 8 رنز پر آوٹ کردیا جس کے بعد لیام پلنکیٹ نے 56 رنز کی انفرادی اننگز کھیلنے والے ٹریویس ہیڈ کو بھی پویلین بھیج دیا۔ آسٹریلیائی کپتان ٹم پین نے ایک رن کا اضافہ کیا جس کے بعد بٹلر نے انھیں رن آوٹ کردیا تو 5 وکٹیں صرف 100 رنوں پر گر چکے تھے ۔ تاہم شورٹ نے 47 اور الیکس کیری نے 44 رنز کی اننگز کھیل کو آسٹریلیا کے اسکور کی حد 200 سے پار کر دی۔آسٹریلیا کی پوری ٹیم 35 ویں اوور میں 205 رنز بنا کر آوٹ ہوئی۔ انگلینڈ کی جانب سے معین علی نے سب سے زیادہ 4 وکٹیں حاصل کیں۔ میزبان ٹیم کی کارکردگی کو دیکھتے ہوئے ایک آسان ہدف کا تعاقب مایوس کن تھا، جیسن روئے ایک رن اور جونی بیئراسٹو 12 رنز بنا کر آوٹ ہوئے جس کے بعد 50 کے اسکور پر انگلینڈ کے 5 بلے باز پویلین لوٹ گئے ۔ایک مشکل وقت میں جوز بٹلر نے ذمہ داری سنبھالی اور ایک طرف سے رنز بھی بنائے اور ٹیم کو فتح کے قریب کردیا۔ معین علی نے 16، کیوران نے 15 اور عادل رشید نے 20 رنز بنا کر جوز بٹلر کا ساتھ دیا تاہم عادل رشید اس وقت آوٹ ہوئے جب ٹیم کو جیت کے لیے صرف 10 رنز درکار تھے لیکن آخری آنے والے بلے باز جے ٹی بال نے ایک رن بنایا اور آوٹ نہیں ہوئے ۔انگلینڈ نے مقررہ ہدف 49 ویں اوور کی تیسری گیند پر 9 وکٹوں کے نقصان پر حاصل کرکے سیریز میں پانچ صفر سے کامیابی حاصل کرلی۔
ون ڈے رینکنگ؛معین علی، بیئراسٹو اور جوز بٹلر کی ترقی
