ٹیکس فراڈ معاملہ میں کرسٹیانو رونالڈو کو بھاری جرمانہ کا سامنا

میڈرڈ/سرکردہ پرتگالی فٹبالر کرسٹیانو رونالڈو کو ٹیکس فراڈ کیس میں 1 ملین یورو ادا کرنا ہوں گے ۔کرسٹیانو رونالڈو کو ٹیکس فراڈ کیس میں24 ماہ جیل کی سزا سے بچنے کیلئے 250 یورو یومیہ کے حساب سے 48 ماہ کیلئے 1 ملین یورو بھی ادا کرنا ہوں گے ۔ یہ رقم ممکنہ طور پر ان کے جرمانے کا حصہ ہوگی،انھیں 3.2 ملین یورو جرمانہ او جیل کی معطل سزا ہوگی۔پراسیکیوٹر کے مطابق اسپینش ٹیکس حکام سے معاملات طے ہونے کے بعد رونالڈو کو یہ سزا ملے گی، اسپینش قوانین میں 2برس سے کم کی جیل سزا میں متعلقہ شخص کو پابند سلاسل نہیں کیا جاتا،اسٹار فٹبالر کو 3.2 ملین جرمانہ دینے کے ساتھ5.7 ملین یورو ٹیکس بھی حکام کو واپس لوٹانا ہوگا۔