فرقہ وارانہ ماحول خراب کرنے کا الزام

 ممبئی//سلمان خان کے خلاف بہار کے مظفر پورمیں کیس درج کیا گیا ہے۔ سلمان خان پروڈکشن کمپنی کی فلم "لوراتری" (پیار کی رات) کولے کرکیس درج کیا گیا ہے۔ اس معاملے میں سلمان خان سمیت 76 دیگرلوگوں کو ملزم بنایا گیا ہے۔ لوراتری فلم کی ٹیم پرفرقہ وارانہ ماحول خراب کرنے کا الزام ہے۔مظفر پورکی سی جی ایم عدالت میں سلمان خان کے خلاف کیس داخل کیا گیا ہے۔ اس کیس میں سلمان خان، فلم کے لیڈ ہیروآیوش شرما، ورینا حسین، انشومان جھا، رام کپورسمیت 76 لوگوں کے خلاف نامزد کیس درج کرایا گیا ہے۔واضح رہے کہ اس سے قبل بھی فلم کے نام کو لے کرکافی ہنگامہ کیا جاچکا ہے۔ "لوراتری" کو لے کروی ایچ پی نے کہا تھا کہ فلم سے ہندووں کے مذہبی جذبات مجروح ہوسکتے ہیں، اس لئے اس کی اسکریننگ نہیں ہونے دی جائے گی۔گجرات کی سرزمین پرمنحصراس مزاحیہ ڈراما فلم میں ایک جوڑے کی لو اسٹوری (پیار کی کہانی) دکھائی ہے، جن کا پیار نوراتری کے دوران پروان چڑھتا ہے۔ فلم میں آیوش شرما اور ورینا حسین لیڈ کردار میں ہیں۔