ممبئی/ ہندوستانی کرکٹ کنٹرول بورڈ (بی سی سی آئی) نے مقبول انڈین پریمیئر لیگ کو ملک کے کونے کونے تک پہنچانے کی ضمن میں اس سال آئی پی ایل فین پارک کو 21 ریاستوں کے 36 شہروں میں پہنچا دیا ہے ۔آئی پی ایل کا آغاز 23 مارچ کو گزشتہ چمپئن چنئی سپر کنگ اور رائل چیلنجرز بنگلور کے درمیان مقابلے سے ہوگا۔ اس سیزن میں آئی پی ایل فین پارک میں نئے علاقوں میں اپنے پاؤں پسارے ہیں اور یہ 21 ریاستوں کے 36 شہروں میں پہنچ گیا ہے ۔ فین پارکوں سے کرکٹ شائقین کو آئی پی ایل کے ساتھ نزدیکیاں بڑھانے کا موقع ملے گا۔گزشتہ چار برسوں میں فین پارک 65 شہروں میں پہنچ چکے ہیں۔ اس سال موجودہ شہر وہ ہیں جن میں گزشتہ سال بڑی تعداد میں پرستار پہنچے تھے ۔ اس سال شمال مشرقی ہند کی خوبصورت ریاست سکم کی آئی پی ایل فین پارک میں انٹری ہوئی ہے جبکہ شہروں میں تیج پور، گنگٹوک، بلائی، ؤنا، شموگا، ترونیل ویلی، مدورئی اور ترچی کو شامل کیا گیا ہے ۔یو این آئی
۔21 ریاستوں اور 36 شہروں میں ہوں گے آئی پی ایل فین پارک
