نئی دہلی// ملک میں لگاتار دوسرے دن کورونا وائرس سے شفایاب ہونے والوں کی تعداد میں اضافے کے ساتھ گزشتہ24 گھنٹوں کے دوران کورونا کے 28 ہزار سے زیادہ افرادصحت مند ہوئے ہیں ، جس سے شفایاب ہونے والوں کی تعداد 7.53 لاکھ ہوگئی ہے۔
ملک میں پہلی بار ایک دن میں 28472افراد صحتمند ہوئے ہیں۔ اسی عرصہ کے دوران وائرس کے37724 نئے کیس رپورٹ ہوئے ہیں جس سے متاثرہ افراد کی تعداد بڑھ کر 11.93 لاکھ ہوگئی ہے۔
مرکزی وزارت صحت کی جانب سے بدھ کے روز جاری تازہ ترین اعداد و شمار کے مطابق ملک میں گذشتہ 24 گھنٹوں کے دوران کورونا وائرس کے 37724کیسوں کی تصدیق ہوئی ہے جس سے متاثرہ افراد کی مجموعی تعداد1192915 ہوگئی جبکہ اموات کی تعداد 648 سے بڑھ کر28732 ہوگئی۔
