ٹرمپ اور میلانیا کورونا وائرس سے متاثر

واشنگٹن //صدر امریکہ ڈونالڈ ٹرمپ اور ان کی اہلیہ میلانیا کورونا سے متاثر پائے گئے ہیں۔امریکی صدر نے ٹوئٹر کے ذریعے کورونا وائرس کا ٹیسٹ مثبت آنے کی تصدیق کی۔ٹرمپ نے اپنی ٹویٹ میں بتایا کہ ان کی اہلیہ میلانیا کا بھی کورونا ٹیسٹ مثبت آیا ہے ، انہوں نے خود کو قرنطینہ کرلیا ہے اور وہ دونوں جلد ہی صحتیاب ہوں گے۔ اس سے قبل گزشتہ روز ہی امریکی صدر کی اہم مشیر ہوپ ہکس کا کورونا ٹیسٹ مثبت آیا تھا۔برطانوی نشریاتی ادارے کے مطابق31سالہ امریکی مشیر ہوپ ہکس کو ٹرمپ کے انتہائی قریبی مشیروں میں شمار کیا جاتا ہے اور وہ اکثر دوروں پر امریکی صدر کے ہمراہ ہوتی ہیں۔کورونا ٹیسٹ مثبت آنے سے قبل ہوم ہکس نے ٹرمپ کیساتھ طیارے میں سفر کیا تھا اور ایک ٹی وی پر مباحثے میں بھی وہ ان کے ساتھ گئی تھیں۔