نئی دہلی// جموں و کشمیر میں لگ بھگ 170 مرکزی قوانین لاگو کرنے کی راہ ہموار کرتے ہوئے نئی دہلی نے جموں و کشمیر تنظیم نو (ترمیمی) بل 2021 کی منظوری دے دی جس کے ذریعے جموں کشمیر کیڈر کے سیول سروسز افسران کو اْروناچل پردیش، گوا اور میزورم کیڈر وں میں ضم کیا گیا۔ اس بل کے سلسلے میں پہلے ایک آرڈیننس جاری کیا گیا تھا اور آج بل پاس کرکے اس کو قانونی شکل دی گئی۔اس بل سے اب آئین کی سبھی شقیںمکمل طور پر جموں کشمیر کے میںنافذ العمل بن جائیں گی ۔جموں کشمیر میںکم و بیش170مرکزی قوانین عملائے جارہے ہیں۔بل پیش کرتے وقت وزیر مملکت برائے داخلہ جے کشن ریڈی نے ایوان میں مختصر بحث کا جواب دیتے ہوئے کہا کہ اس سے دونوں نو تشکیل شدہ مرکز کے زیر انتظام علاقوں کو ملک کے مرکزی دھارے میں شامل کرنے میں مدد ملے گی ۔ اپنے بیان میں ریڈی نے جموں و کشمیر اور لداخ میں ترقیاتی کاموں کی تفصیلات بتائی ۔ یہ بل ایوان میں جمعرات کو جموں کشمیر تنظیم نو (ترمیم) آرڈیننس کی جگہ پیش کیا گیا تھا اور یہ جموں کشمیر تنظیم نو ایکٹ 2019 کی جگہ لے گا۔ اس بل میں پڈوچیری میں نافذ آئین کے آرٹیکل 239A کو جموں وکشمیر اور لداخ میں بھی لاگو کرنے کا التزام کیا گیا ہے ۔ اس کے علاوہ بل میں بھی تجویز پیش کی گئی ہے کہ جموں و کشمیر میں تعینات انڈین ایڈمنسٹریٹو سروس ، انڈین پولیس سروس اور انڈین فاریسٹ سروس کے افسران دونوں مرکز کے زیر انتظام علا قوں جموں و کشمیر اور لداخ میں تعینات رہیں گے ۔ مستقبل میں دونوں علاقوں کے افسران ‘ اروناچل پردیش ، گوا ، میزورم یونین ٹیریٹری کیڈر’ سے آئیں گے ۔ اس بل میں جموں و کشمیر کیڈر کا ‘ اروناچل پردیش ، گوا ، میزورم یونین ٹیریٹری کیڈر’ میں انضمام کا التزام کرتا ہے ۔
جموں و کشمیر تنظیم نو (ترمیمی) بل 2021 راجیہ سبھا میں منظور
