ملکی سطح پر صورتحال مسلسل مخدوش

 نئی دہلی//ملک میں کورونا کے قہر کے دوران مسلسل پانچویں دن تین لاکھ سے زیادہ نئے معاملوں کا اضافہ ہوا ۔ پچھلے 24 گھنٹوں کے دوران ریکارڈ 3.52 لاکھ نئے کیس سامنے آئے حالانکہ راحت کی بات یہ ہے کہ مسلسل تیسرے دن بھی دو لاکھ سے زائد مریضوں نے اس وبا کو شکست دی ۔اس دوران پیر کی صبح تک ملک میں 14 کروڑ 19 لاکھ 11 ہزار 223 افراد کو ٹیکے لگائے جاچکے ہیں۔مرکزی وزارت صحت کی جانب سے پیر کی صبح جاری اعداد و شمار کے مطابق گذشتہ 24 گھنٹوں کے دوران ملک میں 352991 نئے معاملوں کی آمد کے ساتھ متاثرہ افراد کی تعداد بڑھ کر ایک کروڑ 73 لاکھ 13 ہزار 163 ہوگئی ہے ۔ اس دوران 219272 مریض صحتمند بھی ہوگئے ہیں۔ اس سے قبل اتوار کے روز 217113 ریکارڈ متاثرہ افراد کے ٹھیک ہونے کے بعد انہیں مختلف اسپتالوں سے چھٹی دے دی گئی۔ ملک میں اب تک ایک کروڑ 43 لاکھ 4 ہزار 382 افراد نے کورونا کو شکست دی ہے ۔اسی دوران فعال معاملات میں مسلسل اضافے کی وجہ سے ان کی تعداد بڑھ کر 2813658 ہوگئی ہے ۔ وہیں مزید 2812 مریضوں کی موت کے ساتھ اس بیماری سے مرنے والے افراد کی تعداد بڑھ کر 195123 ہوگئی ہے ۔ملک میں شفایابی کی شرح کم ہوکر 82.62 ہوگئی ہے اور فعال معاملات کی شرح 16.25 فیصد ہوگئی ہے جبکہ اموات کی شرح کم ہوکر 1.13 فیصد رہ گئی ہے ۔مہاراشٹرا کورونا کے فعال معاملات کے لحاظ سے سرفہرست ہے اور گذشتہ 24 گھنٹوں کے دوران فعال کیسوں کی تعداد 3909 بڑھ کر 700207 ہوگئی ہے ۔ اس دوران ریاست میں 61450 مزید مریضوں کی شفایابی کے بعد کورونا کو شکست دینے والے مریضوں کی تعداد بڑھ کر 3530060 ہوگئی ہے جبکہ مزید 832 مریضوں کی ہلاکت کے ساتھ ہی اموات کی تعداد بڑھ کر 64760 ہوگئی ہے ۔قومی دارالحکومت دہلی میں کورونا کے فعال معاملات میں 1512 کا اضافہ ہوا ہے اور اب ان کی تعداد بڑھ کر 94592 ہوگئی ہے ۔ اب تک 14248 افراد کی اس وبا سے موت ہوچکی ہے جبکہ 918875 مریضوں نے کورونا کو شکست دی ہے ۔