فوجی سربراہ کا لائن آف کنٹرول پونچھ کا دورہ

راجوری//ہندوستان اور پاکستان کی فوجوں کے مابین 26 فروری کی جنگ بندی معاہدے پر عمل درآمد کرنے پر اتفاق کے بعد ، فوجی سربراہ جنرل ایم ایم ناروانے، نے لائن آف کنٹرول کا پہلا دورہ کیا اور سیکورٹی منظرنامے کا جائزہ لیا۔ لائن آف کنٹرول  26 فروری سے نہ صرف مکمل طور پر خاموش ہے بلکہ اس پر کوئی مشتبہ حرکات بھی نہیں دیکھی گئی ہیں۔دونوں ملکوں کے ڈی جی ایم اوز کی ہاٹ لائن پر ایک دوسرے سے بات کر کے فائر بندی پر عمل کرنے پر اتفاق کیا گیا تھا۔ نئے معاہدے کے بعد پہلی بار ، آرمی چیف ، جنرل ایم ایم ناروانے دو روزہ دورے پر جموں پہنچے۔وہ وائٹ نائٹ کارپس کے دورے پر ہیں اور اکھنور ، راجوری اور نوشہرہ سیکٹروں سمیت اگلے علاقوں کا دورہ کررہے ہیں۔فوج نے ایک  بیان میں کہا کہ وائٹ نائٹ کور ہیڈ کوارٹر پہنچنے پر ، جنرل کو شمالی آرمی کمانڈر لیفٹیننٹ جنرل وائی کے جوشی کے ہمراہ کمانڈنگ ، وائٹ نائٹ کور ، لیفٹیننٹ جنرل سکندر کمار نے سیکیورٹی کی موجودہ صورتحال کے بارے میں بریفنگ دی۔آپریشنل تیاری ، COVID-19 کا انتظام اور اس وبائی امراض کے خلاف فوج کی لڑائی میں سابق فوجیوں اور خطے کے عوام کو فراہم کی جانے والی امداد کے بارے میں بھی جانکاری دی گئی۔۔بعد ازاں انہوں نے ناردرن آرمی کمانڈر اور جی او سی وائٹ نائٹ کور کے ہمراہ اکھنور ، نوشہرہ اور راجوری سیکٹر وںمیں اگلے علاقوں کا دورہ کیا۔"جنرل نارواں نے اگلے علاقوں میں تعینات فوجیوں کے ساتھ بات چیت کی اور لائن آف کنٹرول کے تقدس کو برقرار رکھنے کے لئے وائٹ نائٹ کور کے تمام افسران کی مستقل کاوشوں کے ساتھ ساتھ سرحدی علاقوں میں سول انتظامیہ ، سابق فوجیوں اور شہری آبادی کی خصوصی طور پر مدد کرنے کے لئے CoVID-19 وبائی مرض کے پھیلاؤ کا مقابلہ کرنے کے لئے انکی سراہنا کی۔جنرل آفیسر نے جموں کے ملٹری اسپتال کا دورہ کیا اور COVID -19 کے لئے طبی تیاری کا جائزہ لیا۔فوج کے بیان میں مزید کہا گیا ہے کہ انہوں نے ڈاکٹروں اور صحت کی دیکھ بھال کرنے والے کارکنوں کی طرف سے فراہم کی جانے والی اہم ترین نگہداشت کی تعریف کی اور انہیں مناسب طور پر نوازا۔