کھٹمنڈو //یو این آئی//نیپال کے صدر ودیا دیوی بھنڈاری نے نیپال کانگریس کے صدر شیر بہادر دیوبا کو ملک کا نیا وزیر اعظم مقرر کیا ہے ۔ صدر نے نیپالی سپریم کورٹ کے آئین بنچ کے پیر کے حکم کی تعمیل میں آئین کے آرٹیکل 76 (5) کے تحت یہ اقدام اٹھایا ہے ۔ مسٹر دیوبا پانچویں بار ملک کے وزیر اعظم بن گئے ہیں۔صدارتی سکریٹریٹ نے مسٹر دیوبا کو ان کی تقرری کے بارے میں باضابطہ طور پر آگاہ کردیا ہے ۔ شام 6 بجے شیتل نواس میں تقریب حلف برداری کے لئے تیاریاں کی جارہی ہیں۔ ادھر ، نئی مخلوط حکومت میں شامل ہونے والے چہروں کے حوالے سے دارالحکومت کھٹمنڈو میں سیاسی سرگرمیاں تیز ہوگئی ہیں۔نیپال میں سپریم کورٹ کے آئینی بنچ نے پیر کے روز سبکدوش وزیر اعظم کے پی شرما اولی کی سفارش پر پارلیمنٹ کو تحلیل کرنے کے صدر ودیا دیوی بھنڈاری کے فیصلے کو مسترد کردیا تھا۔ چیف جسٹس چولندر شمشیر رانا کی سربراہی میں پانچ ججوں کے آئین بنچ نے پارلیمنٹ کی تحلیل کے خلاف دائر رٹ پٹیشن کی سماعت کے بعد فیصلہ سنایا۔آئینی بنچ نے کہا کہ صدر کی طرف سے وزیر اعظم کی سفارش پر پارلیمنٹ کو تحلیل کرنا غیر آئینی ہے ۔ بینچ نے پارلیمنٹ کی بحالی اور سات دن کے اندر اجلاس شروع کرنے کا بھی حکم دیا ہے ۔شیر بہادر دیوبا کو منگل کے روز ملک کا نیا وزیر اعظم مقرر کرنے کے بعد اٹارنی جنرل رمیش بادل نے اپنے عہدے سے استعفیٰ دے دیا۔مسٹر بادل نے وزیر اعظم کے پی شرما اولی کے توسط سے اپنا استعفیٰ صدر ودیا دیوی بھنڈاری کو پیش کیا۔
شیر بہادر دیوبا5 ویں بار نیپال کے وزیراعظم بن گئے
ملک و جہان کی خبروں سے رہیں اپڈیٹ
نیوز لیڑ ای میل پر پائیں
