سرینگر//پولیس نے منگل کو کہا کہ شمالی ضلع بارہمولہ میں سوپور کے پیٹھ سیر علاقے میں فورسز کے ساتھ گولیوں کے تبادلے میںدو جنگجو جاں بحق ہوگئے ہیں۔یہ معرکہ آرائی دوران شب اُس وقت شروع ہوگئی جب فورسز نے علاقے میں تلاشی آپریشن کا آغاز کیا۔
پولیس نے دو جنگجوﺅں کے جاں بحق ہونے کی تصدیق کرتے ہوئے کہا ” فورسز کا جنگجو مخالف آپریشن جاری ہے“۔پولیس نے تاہم جاں بحق جنگجوﺅں کی شناخت نہیں بتائی۔
دریں اثناءمقامی ذرائع کے مطابق سوپور میں موبائل انٹرنیٹ خدمات منقطع کر دی گئی ہیں جبکہ بڈگام سے بارہمولہ کے درمیان ٹرین سروس کو بھی ”احتیاطی تدابیر “کے طور پر معطل کر دیا گیا ہے۔
اس سے قبل اطلاعات کے مطابق پولیس ،فوج اور سی آر پی ایف نے گذشتہ شب دیر گئے پیٹھ سیر سوپور کومحاصرے میں لیکر تلاشی آپریشن شروع کیا۔
جب فورسز کی مشترکہ ٹیم مشتبہ مقام کے نزدیک پہنچی تو چھپے ہوئے جنگجوﺅں نے اُن پر فائرنگ کی جس کے بعد وہاں معرکہ چھڑ گیا۔
