سری نگر// وادی کشمیر میں جہاں بدھ کو بڈگام – بارہمولہ ریل سروس ایک روز بعد بحال ہوئی وہیں وادی کو ملک کے باقی حصوں کے ساتھ جوڑنے والی سری نگر- جموں شاہراہ مرمتی کام کے پیش نظر ٹریفک کی نقل و حمل کے لئے بند رہی۔
ریلوے ذرائع نے بتایا کہ بڈگام- بارہمولہ ٹریک پر بدھ کو ایک روز بعد ٹرین سروس بحال ہوئی۔
یاد رہے کہ اس ٹرین سروس کو منگل کے روز اس وقت احتیاطی طور پر معطل کر دیا گیا تھا جب شمالی کشمیر کے سوپور میں سیکورٹی فورسز اور جنگجووں کے درمیان تصادم آرائی شروع ہوئی تھی۔
