جدید تکنیک اور آلات گاؤں گاؤں تک پہنچائے: وزیراعظم مودی

نئی دہلی// وزیراعظم نریندر مودی نے آب و ہوا کی تبدیلی کے پیش نظر جدید تکنیک اور آلات گاؤں گاؤں تک لے جانے پر زور دیتے ہوئے کہا کہ اس سے فصل کی لاگت میں  کمی آئے گی اور ناموافق حالات میں کسان بہتر پیداوار حاصل کرسکیں گے۔مسٹر مودی نے آب و ہوا کی تبدیلی کے پیش نظر خصوصی فوائد  والی نئی  تیار کردہ 35 فصل کی اقسام کو جاری کئے جانے اور نیشنل  انسٹی ٹیوٹ آف بائیولوجیکل اسٹریس مینجمنٹ ، رائے پور کے افتتاح کے موقع پر منعقدہ تقریب سے خطاب کرتے ہوئے  کہا کہ بدلتے موسم اور نئے حالات نہ صرف فصلوں بلکہ مویشیوں کے لیے بھی سنگین چیلنج ہیں۔  نئے حالات میں زیادہ غذائیت سے بھرپور خوراک فراہم کے لئے بیجوں کی نئی اقسام پر توجہ  مرکوز کی جارہی ہے۔انہوں نے کہا کہ نئے موسم کے چیلنجوں سے نمٹنے کی اہل  زیادہ غذائیت والی فصلوں، کم پانی ، سنگین بیماریوں میں محفوظ اقسام ، جلد  پکنے والی فصلوں اور کھاریپانی والی فصلوں پر توجہ مرکوز کی جا رہی ہے۔ کیڑوں سے بھی فصلوں کو بڑا نقصان پہنچتا ہے ، اس کے لیے ضروری ہے کہ انہیں  ایک حفاظتی  کور  دیا جانا ضروری ہے جس سے  تیزی سے ترقی ہوگی۔انہوں نے کہا کہ موسمیاتی تبدیلی کے پیش نظر سائنسدانوں نے حالیہ برسوں میں مختلف فصلوں کی 1300 اقسام کے بیج جاری کیے ہیں۔