مابعد برفباری

ترال//جنوبی کشمیر کے اونتی پورہ علاقے کے نصف درجن سے زیادہ گائوں میں تین روز گزر جانے کے باوجود بجلی سپلائی بحال نہیں ہوئی ہے جس کی وجہ سے مقامی آبادی طرح طرح کی مشکلات کا سامنا کر رہی ہے ۔مقامی لوگوں کاکہناہے کہ برف باری والی رات کو یہاں بجلی غائب ہوئی ہے تاہم تین روز گزر جانے کے باجودعلاقے میں سپلائی بحال نہیں ہوئی ہے جس کی وجہ سے مقامی ہاری پاریگام ،چھکوٹ ۔کیگام ۔چرسو،سیل ،لارموہ،وغیرہ علاقوں کی آبادی کو طرح طرح کی مشکلات کا سامنا کرنا پڑ رہا ہے ۔اس دوران محکمہ ایگزیکٹو انجینئر اونتی پورہ الطاف احمد نے کہاکہ علاقے میں بجلی کے ترسیلی نظام کو شدید نقصان پہنچا تھا جس کو ٹھیک کرنے کا کام3روز سے مسلسل جاری رہا ہے ۔انہوں یقین دلایا آج ن علاقوں میں بجلی سپلائی بحال ہوگی ۔