بارباڈوس/بارباڈوس میں ویسٹ انڈیز کے درمیان کھیلا گیا دوسرا ٹسٹ میچ ڈرا ہو گیا اور انگلینڈ کی جیت کی امیدوں پر پانی پھر گیا۔ انگلینڈ کو ویسٹ انڈیز کو آؤٹ کرنے میں دو سیزن لگے ۔ انگلش ٹیم نے چائے کے بعد ویسٹ انڈیز کی پانچویں وکٹ گرا کر کیریبین ٹیم پر دباؤ ڈالا تھا۔تاہم پہلی اننگز میں 11 گھنٹے میں 160 رنز بنانے والے ویسٹ انڈیز کے کپتان کریگ بریتھویٹ دوسری اننگز میں ناقابل شکست رہے اور انہوں نے 56 رنز بنائے ۔ اس دوران انہوں نے 184 گیندیں کھیلیں۔ اس کے ساتھ ہی اوپنر نے ایک ریکارڈ بھی اپنے نام کر لیا۔کپتان نے دونوں اننگز میں 673 گیندیں بیٹنگ کی جو کہ ٹسٹ کی تاریخ میں ویسٹ انڈیز کے کسی بلے باز کی جانب سے کھیلی جانے والی گیندوں کی سب سے زیادہ تعداد ہے ۔اس سے قبل انگلینڈ نے لنچ تک 122-5 پر اپنی اننگز ڈکلیئر کر دی تھی۔انگلینڈ نے ویسٹ انڈیز کاا سکور 39-3 کر دیا۔ پھربریتھویٹ نے جرمن بلیک ووڈ کے ساتھ 25 اوورز کی بیٹنگ کی۔ فائنل سیشن میں جیک لیچ نے ایلی پر بلیک ووڈ کو 27 اور جیسن ہولڈر کو صفر پر آؤٹ کیا لیکن بریتھویٹ کو وکٹ کیپر جوشوا ڈی سلوا کا مضبوط ساتھی ملا۔انہوں نے 20.3 اوورزبلے بازی کرکے میچ ڈرا کرادیا۔تین ٹسٹ میچوں کی سیریز میں کھیلے گئے دونوں میچ ڈرا ہو گئے ہیں۔ سیریز کا تیسرا میچ جمعرات سے گریناڈا میں کھیلا جائے گا۔(یواین آئی)
کیریبین کپتان نے انگلینڈ کی امیدوں پر پانی پھیر دیا، دوسرا ٹیسٹ ڈرا
