پٹنہ/عظمیٰ نیوزڈیسک/ لوک سبھا انتخابات کی ہلچل کے درمیان آر جے ڈی صدر لالو یادو پر ایک بار پھر گرفتاری کا خطرہ منڈلا رہا ہے۔ گوالیار پولیس 27 سال پرانے کیس میں مدھیہ پردیش کے ایم پی-ایم ایل اے کورٹ سے ان کے خلاف گرفتاری وارنٹ جاری ہونے کے بعد پٹنہ کے لیے روانہ ہوگئی ہے۔ اس کے لیے ایم پی پولیس نے پٹنہ کے ایس ایس پی سے فون پر بات کی ہے اور تعاون مانگا ہے۔جمعہ کو مدھیہ پردیش کے گوالیار میں ایم پی-ایم ایل اے عدالت نے بہار کے سابق وزیر اعلی اور راشٹریہ جنتا دل کے قومی صدر لالو یادو کے خلاف وارنٹ جاری کیا تھا۔ ایک اسلحہ اسٹور آپریٹر نے ان کے خلاف 1997 میں شکایت درج کرائی تھی۔ لالو کے خلاف پہلے ہی مستقل وارنٹ جاری کیا جا چکا ہے، جس کے بعد انہیں عدالت نے مفرور قرار دیا تھا۔اے ڈی پی او، ابھیشیک ملہوترا کے مطابق، “لالو پرساد یادو کے خلاف مستقل وارنٹ گرفتاری کے احکامات جوڈیشل مجسٹریٹ ایم پی ایم ایل اے گوالیار نے جاری کیے ہیں۔ یہ مقدمہ سال 1995-97 کا ہے، جس میں جعلی دستاویزات کی بنیاد پر ایک اسلحہ ڈیلر سے ہتھیار خریدے گئے تھے۔ معاملے میں 23 ملزمان کے خطوط پیش کیے گئے ہیں۔ ملزم لالو پرساد یادو کو مفرور قرار دے دیا گیا۔1997میں گوالیار کے رہنے والے پرکاش آرمس اسٹور کے آپریٹر پرویش کمار چترویدی نے اندر گنج تھانے میں اتر پردیش کے مہوبا میں واقع اسلحے کی دکان کے آپریٹر راجکمار شرما کے خلاف اسلحے کی جعلی فروخت کے معاملے میں شکایت درج کرائی تھی۔
۔27 سال پرانے کیس میں لالو یادو پر لٹکی گرفتاری کی تلوار
ملک و جہان کی خبروں سے رہیں اپڈیٹ
نیوز لیڑ ای میل پر پائیں
