اعجاز میر
سرینگر //بڈگام کے توسہ میدان اور پیر پنچال کے پار پونچھ کے درمیان محض 10کلو میٹر کا فاصلہ ہے۔یہاں آر پار کئی ایسے خاندان آباد ہیں جوزبان اور ورثے میں مشترک ہے۔ صدیوں سے، وہ اپنے رشتہ داروں کے ہاں شادیاں کر رہے ہیں اور پیدل ایک دوسرے تک پہنچتے رہے ہیں ، جو ماضی میں تاجروں کے ذریعہ استعمال کیا جاتا تھا۔خاص طور پر بڈاگم کے درنگ علاقے میں ایسے کئی خاندان آباد ہیں جن کی شادی پونچھ میں ہوئی ہیں یا پونچھ کی لڑکیاں یہاں شادی شدہ زندگی گذار رہی ہیں۔اعدادوشمار کے مطابق جو لڑکیاں کئی دہائیاں قبل پونچھ کی یہاں بیاہی گئی تھیں، انہوں نے اپنے بچوں کی شادی کرانے کیلئے پونچھ کو ہی ترجیح دی ہے۔دونوں علاقے ایک ہی پہاڑی سلسلے کے دامن میں دو طرف آباد ہیں اور یہ لوگ یہ فاصلہ گھنٹوں میں طے کر لیتے ہیں۔ پوری تاریخ میں، وہ ہر بحران میں ساتھ رہے ہیں، ایک ایسا رشتہ جو انہوں نے آج بھی برقرار رکھا ہے۔سرینگر کے قریب ترین توسہ میدان پونچھ میں منڈی تک جاتا ہے۔ اس طرف یہ سلطان پتری سے گزر کر توسہ میدان میں اترتا ہے۔ اس رسائی نے دونوں طرف رہنے والے لوگوں کو ایک دوسرے کے ساتھ تعلقات استوار کرنے میں مدد کی ہے۔بتایا جاتا ہے کہ یہاں پونچھ کی قریب 10خواتین ہیںجودرنگ اور دیگر ملحقہ علاقوں میں شادی شدہ ہیں۔یہ خواتین گرمیوں میںتوسمیدان میں چائنا مار گلی کے راستے اپنے والدین کے گھر جاتی ہیں، جہاں تک پیدل چل کر بمشکل پانچ گھنٹے لگتے ہیں۔مقامی لوگوں کا کہنا ہے کہ شادیاں دونوں طرف کے گائوں میں اسی طرح کی جاتی ہیں۔دونوں طرف ایک ہی ذات کے لوگ رہتے ہیں۔ انہوں نے کہا کہ “ہمارے سماجی اصولوں کی وجہ سے، ہم اپنی برادری سے باہر شادی نہیں کرتے اور اسی وجہ سے ہم پہاڑوں کے پار اپنے لوگوں کے درمیان شادی کرتے ہیں،” ۔ پونچھ کی لڑکیوں کو کھاگ، زبجن، پیتل، سترون، بیروہ، آری زال، ریٹھن اور خان صاحب کے مختلف علاقوں میں دیکھا جا سکتا ہے۔ انہوں نے کہا کہ شادیاں دونوں طرف سے ہو رہی ہیں۔ “یہ ایک طرفہ معاملہ نہیں ہے” ۔انہوں نے کہا کہ پونچھ کے تین علاقوں لوران، ساوجکم اور منڈی میں نصف سے زیادہ آبادی کشمیری ہے۔ ان کے بزرگ تجارت اور کاروبار کے لیے پونچھ ہجرت کر گئے اور وہیں آباد ہو گئے۔ یہ تمام علاقے کشمیری بولتے ہیں۔
